Talebanî li Helebce kargeheke mezin a şîr vedike

PUKMEDIA

Fabrîqeya şîrê

Cîgirê Serokwezîr Qubad Talebanî, îro 18.06.2023ê, bi mebesta piştgiriya  projeyên weberhênanê, Komela Xwarinê ya Resen serdana Helebceyê kir.
Di vê serdana han de Cîgirê Serokwezîr piştgîriya xwe ya tevahî bo sermayedarên Helebce û Komela Xwarinê ya Resenê nîşan da û amadehiya xwe jî bo hêsankirina her cure pirojeyên weberhênanê li bajêr de diyar kir.

1000 karên rasterast û nerasterast ji rûniştvanên Helebce re

Qubad Talebanî bang li sermayedaran kir ku berhemên xwe bi awayekî bi kalîte bikin ku ne tenê di bazara navxwe de, bi berhemên biyanî re hevrikiyê bikin, lê divê planek bihêz jî deynin da ku karibin berhemên xwe li bazarên navend û başûrê Êraqê bifroşin,ji ber ku bazara herî mezin a pîşesaziya xwarinê li Kurdistanê di salên dawî  û Pêşeroj de , navend û başûrê Êraqê dibe.
Tê payîn ku Kargeha Şîr a Resenê di nava salekê de biqede û hemû şîrê ajeldarên herêmê bikire, bi vî rengî sektora sewalkariyê li herêmê mezin dibe. Herwiha kargeh dê nêzîkî 1000 karên rasterast û nerasterast ji rûniştvanên Helebce û derdora wê re veke.

 Li Helebce di 5 salan de 50 hezar darên zeytûnan hatine çandin

Di çarçoveya serdana xwe ya ji bo Komela Xwarinê ya Resenê, serdana Kargeha Zeytûna Resenê jî kir, ku di sala 2018an de hatiye damezrandin û berhemên xwe dişîne deverên din ên Êraqê û derve. Ji bilî peydakirina hejmareke berçav a kar, vê kargehê bandor li ser keskbûna jîngeha Helebce jî kiriye, ku hejmara darên zeytûnan li Helebce bi awayekî berçav zêde kiriye, tenê di 5 salên borî de 50 hezar darên zeytûnan hatine çandin.
Komela Xwarinê ya Resen projeyek mezin a pîşesaziya xurek li Helebce ye û yek ji projeyên civakê vekirina kargeheke mezin a şîraniyê di heyama salekê de ye, ku mezintirîn kargeh e li welat  li ser asta herêmê.
PUKMEDIA