Talebanî: Sînorê Şûşmê dê ji geştiyaran re vebe

PUKMEDIA

Qubad Talebanî serdana sînorê Şûşmê kir

Cîgirê Serokwezîr Qubad Talebanî serdana sînorê Şûşme yê parêzgeha Helebce kir û got:"Dê di demeke nêzîk de sînor ji geştyaran re were vekirin û ev yek dê bibe alîkar ji bo başbûna  aborî û geşepêdana sektora geştiyariyê li parêzgeha Helebce."

Helebce bi geştiyarî wê vejandinekî baş bibîne

Cîgirê Serokwezîr Qubad Talebanî di çarçoveya serdana xwe de ji bo Parezgeha Helebca serdana sînorê Şûşme yê parêzgeha Helebce kir û got: “Sînor dê di demek nêzîk de bi fermî ji geştiyaran re were vekirin û ev yek dê bandorê li başbûna aborî ya Helebce û Hewramê bike.
Qubad Talebanî di serdana xwe ya (18.06.2023) de, piştî lêkolîna bi hûrgilî ya pirsgirêkên sînorî, amaje bi hevdîtina xwe ya beriya hefteyekê li gel Wezîrê Navxwe yê Êraqê kir, ku biryar e bi hemahengî di navbera hikûmeta herêma Kurdistanê û hikûmeta federal de ji bo berfirehkirina sînorê Şuşmê li Tewêla kar bikin.

Hemwelatî dikarin bi otomobîl seferê Êranê bikin

Di çarçoveya berfirehkirina sînor de, geştyar dê di demeke nêzîk de bi awayekî fermî di navbera Herêma Kurdistanê û Êranê de bi otomobil dikarin sefer bikin, ev yek jî  dê bibe alîkar ji bo vejandina aborî û geşepêdana sektora geştiyariyê li parêzgeha Helebce.
PUKMEDIA