Harem Kemal Axa: dubendiya li Hewlêr li Bexdayê jî reng daye

Kurdistan 07:33 PM - 2023-06-18

Hevpeyvîna Medya bi Herem Kemal Axa re

Herem Kemal Axa Serokê Fraksiyona Yekîtiya Niştimanî ya Kurdistanê (YNK) li Parlamentoya Êraqê  îro li Hewlêrê di civîneke çapemeniyê de ragihand:“Eger hikûmeta Herêma Kurdistanê ji edaletê piştrast be, xala protestoyê ti wateya xwe namîne, lê bi dawî dibe.’’
Îro piştî nîvro, yekşem 2023/06/18, bi amadebûna Derbaz Kosret Resûl kargerê  Mekteba Siyasî, Saadî Ehmed Pîra endamê Mekteba Siyasî, Berpirsê navenda Hewlêrê Mecîd Mihemed Emîn, Endama Serkirdayetiyê Fehîma Sabîr û hejmarek ji kadroyên hizbî, hikûmetî û rêxistinî, medyaya navenda 3 ya Hewlêrê civîneke medyayî bo Serokê Fraksiyona YNKê Harem Kemal Axa saz kir.  

YNK naxwaze bibe beşek ji pirsgirêkan

Serokê Fraksiyona Yekîtiya Niştimanî ya Kurdistanê got:“Piştî hilbijartinan YNK û PDK weke tîmeke hevbeş çûne Bexdayê û me li ser piraniya mijaran li hev kir, bi taybetî ku em naxwazin bibin beşek ji pirsgirêkên navxweyî yên şîeyan, lê mixabin şevekî  rêkeftineke veşartî hat encamdan ev yek jî her tişt berovajî kir. 
“YNK’ê weke hêzeke ku mafên gelê Kurd diparêze, piştî vê rêkeftina şev ku  li dijî me hate kirin, me fêm kir ku sozên ku me dane, ne li gorî qonax û felsefeya ku me li ser kar kiriye, ev jî maf û berjewendiyên gelê Kurd in ku bi yekrêzî û yekhelwestî  hêzên Kurdî ve girêdayî ne." Herem Kamal Axa got.
Eger hikûmeta Herêma Kurdistanê ji dadweriyê piştrast e, çima hest bi metirsiyê dike?
Di civînê de Harem Kemal Axa bal kişand ser xalên girêdayî mafên gelê Kurd, bi taybetî madeyên 11, 12 û 13 yên qanûnê û li ser xala (protêsto) reftarên rasterast ên hikûmeta federal bi parêzgehan re got: “Ez Metirsiya vê bendê ya madeya 13, xala 8 a yasaya bûdceyê çi ye, nizanim, eger hikûmeta Herêma Kurdistanê ji dadweriyê piştrast be, wateya wê namîne lê bi dawî dibe."
Di derbarê vegerandina mûçeyên paşmayî yên xanenişîn, karmend, mamosta, pêşmerge, polîs û asayîşê de, Fraksiyona YNKê bi awayekî qanûnî hewl da ku ev maf bi awayekî yasayî vegere, lê mixabin deng nehîna.Serokê Fraksiyona YNKê li Parlamentoya Êraqê got:’’ YNK dest jê bernade û dê hemû tedbîran ji bo vegerandina vî mafê mûçeyên Kurdistanê bigire.’’

Serok Bafil her tim tekezî li ser yekîtiyê kiriye

Harem Kemal Axa got:  “Hewl, têkoşîn, civîn û serdanên berdewam yên Serok Bafil Celal Talebanî li Bexdayê ku hertim tekezî li ser yekrêzî û yekhelwastî dikir, karê me ji bo parastina mafên gelê Kurd û parastina vê hevsengiyê hêsantir kiribû  ,lê neyekrêzî û dubendiya di nav gelê Kurd de li Herêma Kurdistanê roj bi roj zêdetir dibe ta ku em gihîştine îro.”
Wî got:“Mixabin piştî koça dawî ya Serok Mam Celal, Kurd li Bexdayê nekarîn bi hev re wekû yek kom xebat bikin li ser  armancên ku maf û heqê gelê Kurd misoger dike . Her wiha got: ‘’Rêknekeftina li parlamentoya Kurdistanê bandoreke rasterast li ser dabeşbûna me ya li Bexdayê kir.
PUKMEDIA