Êran: Serok Mam Celal peywendiyê gel me berfireh kir

Malpera Serokatiyê

Hevdîtinên Serokatî

Îro Duşemî 19ê Hezîrana 2023an, Serokkomar Dr.Ebdulletîf Cemal Reşîd li Koşka Bexdayê pêşwaziya Serokê Konseya Stratejîk a Têkiliyên Derve ya Êranê birêz Kemal Xerazî heyeta pê re kir.
Di destpêka hevdîtinê de, birêz Serok bi xêrhatina şanda mêvan kir, ji ber ku cenabê wî pêşkeftinên ku li parêzgeh û bajarên Êraqê ji ber pêkvejiyana ewlekarî û aramiya welat tê dîtin teqez kir. Herwiha pêşwaziya serdana şanda han bo bajarê Besrayê kir.

Kûrahiya peywendiyên civakî, erdnîgarî, dîrokî û olî 

Cenabê wî li ser rengê peywendiyên di navbera her du welatan de amaje bi kûrahiya peywendiyên civakî, erdnîgarî, dîrokî û olî û berjewendiyên aborî yên ku her du gelên cîran bi hev ve girêdide, kir.
Serokkomar amaje bi wê yekê jî kir ku piştî pesendkirina bûdceya giştî ya parlemanê Êraqê li ber ronesanseke bajarî ye û tekez kir ku damezrandina navendên lêkolînên stratejî yek ji nîşana pêşkeftina welatan e ji ber ku nêrîneke zelal pêşkêşî  biryarderan dike  li ber ronahiya gelek guhertinên ku cîhan di warê enerjî û avê de şahidiyê dike.

Xerazî amaje bi hewlên nemir Serok Mam Celal kir

Ji aliyê xwe ve serokê konseya stratejî ya peywendiyên derve li Komara Islamî ya Êranê kêfxweşiya xwe ji bo vê serdan û hevdîtina digel cenabê serokkomar nîşan da û balkişand li ser wê yekê ku Komara Islamî ya Êranê piştgirîya ewlehî û aramîya Êraqê dike. 
Xerazî amaje bi hewlên nemir Serok Mam Celal ji bo berfirekirina peywendiyan kir û rola cenabê Serokkomar li pêşxistina hevkariyên navbera gelên Êraq û Êranê bilind nirxand.
Serokê Encumena Stratejîk balkişand li ser berjewendiya geşepêdana peywendiyên di navbera her du welatan de û amaje bi wê yekê kir ku Êraq dergehê pêwendiya bi welatên erebî re ye û di vê çarçoveyê de hewlên Êraqê ji bo nêzîkkirina nêrînan ji Erebistana Siûdî bilind nirxand.
PUKMEDIA