Dubarekirina berhemanîna petrolê li zeviyên Herêma Kurdistanê

PUKMEDIA

Peymanên petrolê

Biryar e proseya berhemanîna petrolê li zeviyên Herêma Kurdistanê ji nû ve dest pê bike, piştî rawestana ku ji 25ê Adara îsal ve li ser biryara Dadgeha Hakemaniya Navdewletî ya Parîsê hatibû dayîn, ku divê petrol bi rêya bendera Ceyhan li Tirkiyê tenê bi rêya hikûmeta federal were hinartin.
Di vê derbarê de pisporê warê girêbestên petrolê Behcet Ehmed dibêje, piştî ku yasaya bûdceyê di rojnameya Êraqî de hate weşandin, yasa kete warê cîbicîkirinê de, ji ber ku ji sedî 12.67ê bûdceya Êraqê bo Herêma Kurdistanê hatiye terxankirin, bi erkê hikûmeta herêmê ye ku rojane herî kêm 400 hezar bermîlên petrolê radestî Wezareta Petrolê ya Federal bike.
Pisporê petrolê di berdewamiya axaftina xwe de got: Ji destpêka meha Tîrmeha bê ve yasaya bûdceyê dikeve sepana pratîk û divê herêm dest bi berhemanîna li zeviyên petrolê yên herêmê bike, ji ber ku gelek li van kêlgehan piştî çend rojan hinardekirina petrola herêmê rawestiyaye."
Behcet Ehmed jî got: “Ji ber ku hikûmetên Êraq û Tirkiyê negihiştine çareseriyekê derbarê vegerandina hinartina petrola Êraqê bi rêya bendera Ceyhan a Tirkiyê. Hikûmeta Êraqê meyla kir ku petrola ku li herêmê tê berhemanîn ji bo bikaranîna navxweyî veqetîne. Di pêngava yekem de nefta ku li kêlgeha Xurmala û çend kêlgehên din tê berhemanîn hat veqetandin.” Petrola herêmê ji bo bikaranîna navxweyî ye, ku petrol ji aliyê parzûngeha Kar ve tê parzûnkirin û berhem li parêzgeha Nînowa û navçeyên din tên belavkirin.’’
Hêjayî gotinê ye ku yasaya bûdceya federalî piştî ku duh 6.12.2023 li civata nûneran deng li ser hat dayîn, duh Duşemê di rojnameya fermî ya Êraqê de hat weşandin û ji aliyê cenabê Serokkomar Dr. Ebdulletîf Cemal Reşîd, di 21/6/2023’an.
PUKMEDIA