Yekîtî piştgiriya xwe ji bo daxwazên rewa yên cotkaran nû dike

PUKMEDIA

Kampa Cotkarên mangirtî

Şanda Yekîtiya Niştimanî ya Kurdistanê di Encumena Nûneran a Êraqê de bi serokatiya serokê fireksiyonê Herêm Kemal Axa û Endamtiya nûner Kerîm Şikûr, Sebah Hebîb, D.Kîlan Qadir sardana kampa cotkarên ku li gundê Topzawa mangirtine kir ji bo piştevaniyê.

Di daxuyaniyeke rojnamevanî de Herêm Kemal Axa ragihand ku: Em piştevanên ji cotkarên Tirk û Tirkmen re ku ev zêdetire ji mehekê ye bi armanca piştevaniya daxwazên wan mangirtine.
Serokê fireksiyona Yekîtiya Niştimanî ya Kurdistanê herwiha got: “Ew zeviyên çandiniyê yên gundê Topzawa ya ser bi parêzgeha Kerkûkê, ji destê birayên Kurd û Tirkmen hatin standin û piştre ji aliyê rêjîma Bais ve di sala 1975an de li gorî biryara 369`an ji aliyê encumena serkirdayetiya şoreşê yê hilweşiyayî ve hatibû derxistin û beşek ji wê li ser navê Wezareta Parastinê sala 1988, 1989 hat tomarkirin
Her wiha bal kişand ser vê yekê ku "Encûmena Wezîran a Federal di rûniştina xwe ya 32'an de di sala 2020'an de pêşniyar kir ku divê milkiyeta erdên ku berê li ser navê Wezareta Parastinê ya rêjîma berê hatibûn tomarkirin ji bo Wezareta Parastinê ya niha were veguheztin, lê heke ev erd girêbestên sermayeguzariyê yan jî erkên darayî hene yan jî pirsgirêkên wan yên qanûnî hene, dê bi vê biryarê venegerin.

Herêm Kemal Axa tekez kir: "Em piştgiriya daxwazên rewa yên cotkaran li parlamentoyê dikin û divê di zûtirîn dem de ev pirsgirêk were çareserkirin."
Di çarçoveya serdana xwe ya bo herêmê de, şanda fireksiyona Yekîtiya Nîştimanî li gundê Topzawa beşdarî encumena sersaxiyê ya Îbrahîm Esed Cebbar kir û li bajarê Kerkûkê jî bi nûnerên xwendekarên derçû yên sala 2020-2021ê re civiya. , ji nêz ve guh bidin daxwazên wan û pirsgirêkên wan çareser bikin.


PUKMEDIA