Qubad Talebanî: YNK bi hilbijartinên paqij û dadperwer re ye

PUKMEDIA

Qubad Taleban'

Qubad Talebanî serpereştyarê nivîsgeha sekreteriya Serok Mam Celal tekez kir: Ofîsa rêkxistinê di nav Yekîtiya Niştimaniya Kurdistanê de xwediyê pêgeheke mezin e û em hêviya karekî zêdetir ji wê dikin. em ê refên xwe ji nû ve birêxistin bikin."

Qubad Talebanî, çavdêrê nivîsgeha sekreteriya Serok Mam Celal, îro yekşemî 02.07.2023ê li bajarê Silêmaniyê bi Serkewt Zekî berpirsê ofîsa rêxistina Yekîtiya Niştimanî û hejmarek ji kadroyên ofîsê û rêxistinên Yekîtiya Niştimanî ya Kurdistanê re civiya, dê pêşhatên dawî yên siyasî û rewşa navxwe ya partiyê gotûbêj kirin.
Di destpêka civînê de, Sarkewt Zekî ronahî xiste ser kar û çalakiyên ofîsa Rêxistinê û astengiyên li pêşiya erkên wan û amaje bi pilan û amadekariyên derbarê mekanîzma kar di qonaxa niha de kir ku di asta daxwazên kadro û cemewerê yekîtî de be, ew dê pilan û siyasetên Serok Bafil Celal Talebanî ji bo baştirkirina rêveberiya Yekîtiya Niştimanî pêk bînin.

Di berdewamiya axaftinên xwe de Qubad Talebanî amaje bi rewşa navxwe ya Yekîtiya Niştimaniya Kurdistanê kir û got: Emê mekanîzmaya karkirinê li gor rewşa niha biguherînin û ji bo vê mebestê jî pêwîstiya me bi hewla hemû aliyan heye. Tekez kir: Ofîsa Rêxistinê dilê partiyê ye û bandoreke mezin li ser sazî û cîbicîkirina siyaset û bernameya karê partiyê heye.
Qubad Talebanî teqez kir: Siyaset û prensîbên Yekîtiya Niştimanî ya Kurdistanê nehatine guhertin û hertim bi dadweriya darayî û peywendiyên dostane li gel Bexdayê ye. Yekîtiya Niştimanî dahênerê federalîzmê li Êraqê ye û damezrîner û parêzvanê pêkhateya herêmê û destkeftên wê ye û tenê rêya xizmetkirina welatiyan û dabînkirina mafên destûrî yên girseyên gelê Kurdistanê ye. "
Derbarê hilbijartinan de jî Talebanî: "Em ne li gel paşxistina hilbijartinan bûn. Em ji bo hilbijartinan amade ne û divê bên kirin.”

Derbarê peywendiyên Yekîtiya Nîştimanî ya li gel partî û aliyên siyasî de jî Qubad Talebanî ragihand: Em li gel yekrêziya navxwe ne û me çendîn car tekez kiriye ku pêwîste peywendiyên me yên baş li gel aliyên siyasî hebin û ev nayê wê wateyê ku Siyaseta hemû partiyan wek hev e, lê belê her aliyek siyaseta xwe heye ku li ser kar dike û Yekîtiya Niştimanî jî siyaseta xwe ya taybet heye ku kar dike ji bo pêkanîna vê siyasetê bi rêya saziyên xwe.

PUKMEDIA