Yekîtî mûçeyên karmendan bi awayekî yasayî garantî dike

PUKMEDIA

Budce

Yekîtiya Niştimanî ya Kurdistanê bi hemû hêza xwe kar dike ji bo peydakirina mûçe û mafê fermanberên Herêma Kurdistanê û piştî cîbicîkirina yasaya bûdceyê, hikûmeta Herêma Kurdistanê dê pişka xwe ji bûdceya vê mehê bi temamî werbigire û spasî li ser hewlên Yekîtiya Niştimanî ya Kurdistanê, yasaya bûdceyê berî her tiştî giringiyê bi mûçeyên karmendan dide.

Wezareta Darayî ya Federal ji bo xerckirina budçeyê dê agahiyan bide

Parlamenterê fireksiyona Yekîtiya Niştimanî ya Kurdistanê Dr.Biryar Reşîd ji malpera fermî ya Yekîtiya Niştimanî ya Kurdistanê PUKMEDIA re ragihand: Yasaya bûdceyê piştî ku di rojnameya El-Weqaî ya Êraqê de hat belavkirin, ket warê cîbicîkirinê.
Got jî: Wezareta Darayî ya Federalî rênimayên cîbicîkirina bûdceyê derdixe û Herêma Kurdistanê jî li gor yasayê dê pişka xwe ji bûdceya îsal bi temamî werbigire.

Pêşînî bo mûçe ye

Dr.Bryar Reşîd dibêje: Hikûmeta Herêma Kurdistanê dê pişka xwe ji bûdceyê bi temamî werbigire û divê giringî bi mûçeyên karmendan bê dayîn û piştre jî projeyên xizmetguzarî.
Got jî: Ew xala ku Yekêtiya Niştimanî di maddeya 13 ya bûdceyê de pesend kiriye, giringiyê dide mûçeyên karmendan û ew tekane fireksiyona ku daxwaz kiriye ku ev xal di bûdceyê de were danîn bo dabînkirina mûçeyên karmendan.
Li gorî qanûna bûdceyê dê mûçeyên karmendan bên dayîn
Endamê rûniştina borî ya parlamentoyê Şêrwan Mîrza ji PUKMEDIA re ragihand: Meaşê hemû fermanberên Êraq û Herêma Kurdistanê dê di vê mehê de li gorî yasaya bûdceyê li ser xerciya hikûmeta federal be.
Herwaha got: ‘’Di yasayê de hatiye diyarkirin ku giringî bi mûçeyan bê dayîn û li gor yasayê nayê destûr kirin ku pereyên mûçe ji bo tiştekî din bê bikaranîn, belku divê destpêkê mûçe bên dabeşkirin û piştre mûçeyên din bên dabeşkirin. "

Yekîtiya Niştimanî di budceyê de xalek girîng îspat dike

Şêrwan Mîrza dibêje: Divê berî her tiştî mûçeyên karmendan bê peydakirin û ew xala ku Yekîtiya Niştimanî ya Kurdistanê di bûdceyê de daye, tê de dayîna mûçeyê karmendan jî heye û ev xaleke gelek girîng e.
Got jî: ev xal garantî dide dadperwerî di dabeşkirina mûçeyan û terxankirina pereyên din bo pirojeyan bi awayekî dadperwerane bo hemû navçeyên Herêma Kurdistanê.

Garantîkirina mûçeyên karmendan

Parlamenterê berê Şêrwan Mîrza dibêje: Ew xala ku ji aliyê Yekîtiya Niştimanî ya Kurdistanê ve hatiye destnîşankirin gelekî girîng e, ji ber ku hemwelatî hest bi rehetiyê dikin û mûçeyên xwe garantî dikin.
Got jî: "Li gorî yasayê, mûçeyên karmendan dibe ku nekeve ber ti metirsiyekê û neyên paşxistin û welatî jî dilniya bin ku mûçeyên wan garantî bûne."

PUKMEDIA