Hemahengiya Ragihandina YNK`ê û Nûnertiya Rêveberiya Xweser

PUKMEDIA

Civîna Ragihandina YNK`ê û Nûnertiya Rêveberiya Xweser

Stran Ebdullah berpirsê Mekteba Ragihandinê ya YNK`ê û Evîn Siwêd nûnerê Rêveberiya Xweser hemahengiya di warê ragihandinê de gotûbêj kirin.
Îro roja duşemê bi mebesta pîrozkirina cejna qurbanê û hemahengiya medyayî, Berpirsê Mekteba Ragihandinê ya Yekîtiya Nîştimanî ya Kurdistanê YNK`ê (Stran Ebdulah) li gel şandeke mektebê serdana nûnertiya Rêveberiya Xweser ya Bakûr û Rojhilatê Sûriyê li bajarê Silêmaniyê kirin.
Di rûniştineke dostane de Nûnera Rêveberiya Xweser (Evîn Siwêd) û her yek ji endamên nûnertiyê Fethula Huseyînî û Zehiye El Reşî bi germî xêrhatina şanda Mekteba Ragihandinê kirin û soza hevkarî û karê hevbeş di ware medyayî de dan.
Yekîtiya Nîştimanî ya Kurdistanê siyaseta netewî di xizmeta gelê Kurd li her çar parçeyên Kurdistanê esas digre. Her weha yekrêziya Kurdî armanca sereke ya YNK`ê ye wek siyaseta destegul ya Serok Mam Celal.
PUKMEDIA