Talebanî hewldanên Konsulê Fransa bilind dinirxîne

Ofîsa Qubad Talebanî

Cîgirê Serokwezîr Qubad Talebanî û Konsulê Giştî yê Fransa Olivier Dicottini

Ji bo xatirxwestinê bixwaze û wezîfeya xwe bi dawî bike, Konsulê Giştî yê Fransa Olivier Dicottini îro Çarşemê li Hewlêrê serdana Cîgirê Serokwezîrê Herêma Kurdistanê Qubad Talebanî kir. Di hevdîtinê de, Qubad Talebanî hewlên Konsulê Fransa ji bo bihêzkirina têkeliyên navbera Fransa û Herêma Kurdistanê bilind nirxand.
Di civînê de ku roja 5-7-2023, li Hewlêrê, bi helkefta xatirxwestinê û bidawîhatina erkê Konsulê Giştî yê Fransa li Herêma Kurdistanê birêva çû, Qubad Talebanî, destxweşî li Olivier Dicotin kir ji bo peywendiyên wî yên civakî li hemû bajarên Herêma Kurdistanê û pêşxistina peywendiyên dûr û dirêj di navbera Kurd û Fransa de  kir û hêviya serkeftinê di erkê wî  de xwest.
Konsulusê Fransa kêfxweşiya xwe ya ji bo erkdarkirina wî li  Herêma Kurdistanê nîşan da û pêdagiriya welatê xwe bo piştgirî kirina Herêma Kurdistanê dûpat kir û rola Cîgirê Serokwezîr di pêkanîna çaksaziyan di warên cuda de ji bo başkirina proseya hukimdariyê li Kurdistanê bilind nirxand.
Paşê behsa pêşhat û guhertinên dawî yên li Herêma Kurdistanê hat kirin û di dawiya hevdîtinê de jî Qubad Talebanî pirtûkek li ser dîroka Kurdistanê weke diyariyek xatirxwestinê pêşkêşî Konsulê Giştî yê Fransa kir.
PUKMEDIA