Qubad Talebanî li gel Balyozê Brîtanya li Êraqê civiya

PUKMEDIA

Cîgirê Serokwezîr û Balyozê Brîtanya li Êraqê

Cîgirê Serokwezîr Qubad Talebanî pêşwaziya Mark Richardson Bryson Balyozê Brîtanya li Êraqê kir ku ji bo xatirxwestinê bixwaze û wezîfeya xwe li Êraqê bi dawî bike serdana Herema Kurdistanê kiriye.
Di civîna roja pêncşemiyê 06.07.2023ê de li bajarê Hewlêrê, cîgirê serokwezîr pesna rola Balyozê Brîtanya li Êraqê da ku di heyama karûbarê xwe de roleke girîng di kêmkirina pirsgirêkên di navbera aliyên Êraqî  de û  bi taybetî jî di warê têgihiştin û başkirina peywendiyên Herêma Kurdistanê û hikûmeta federal de.
Qubad Talebanî li gel ku  Mark Richard Bryson wek dostekî rast ê Êraq û Kurdistanê bi nav kir û hêviya serkeftinê jî di erkê wî yê pêşerojê de xwest.
Li beşekî dinê hevdîtinê de behsa peywendiyên heyî yên di navbera Herêma Kurdistanê û hikûmeta federal de hat kirin û her du alî li ser wê yekê hevdeng bûn , ku di dema borî de pêşkeftinên baş li peywendiyan de dîtine, pêwîste her du alî hewl bidin ku asta têgihiştin û peywendiyên di navbera xwe de pêş bixin. Pêşxistina aborî ya Êraq û Herêma Kurdistanê û çareserkirina pirsgirêkên di navbera wan de bi awayekî aştiyane û dûrî aloziyan li gor destûrê bê kirin.
PUKMEDIA