Giringiya çareserkirina pirsgirêkan û cîbicîkirina Madeya 140

PUKMEDIA

Serokê Desteya Giştî ya Herêma Kurdistanê li gel Wezîrê Dadê dicive

Di çarçoveya serdana xwe ya bo paytext Bexdayê de, Fehmî Burhan Serokê Desteya Giştî ya Herêmên Kurdistanê yên li derveyî îdareya Herêma Kurdistanê, serdana Wezîrê Dadê yê Hikûmeta Federal Xalid Şivanî kir.
Di hevdîtinê de her du aliyan rewşa Kerkûk û navçeyên Kurdistanî yên veqetandî û dosya aktîfkirina lijneya madeya 140 û pêngavên cîbicîkirina wê jî gotûbêj kirin.
Wezîrê Dadê civîn û hevdîtinên serokê desteya giştî ya Herêmên Kurdistanê li Bexdayê bilind nirxand û got: Divê hemahengiya zêdetir di navbera hikûmeta federal û hikûmeta herêma Kurdistanê de hebe û gavên rasteqîne ji bo çareserkirina pirsgirêkan bên avêtin, bi taybetî pirsgirêkên zeviyên çandiniyê.
Got jî: Pirsgirêka Kerkûk û navçeyên Kurdistanî yên din ji bo me giringiya xwe heye û em bi hemû hêza xwe kar dikin daku hemû pêkhateyên bajêr bigihin mafên xwe.
Di beşeke din ya vê hevdîtinê de, Serokê Desteya Giştî ya Herêma Kurdistanê behsa rewşa Xaneqîn, Xurmatu, Şengal û Deşta Nînowa kir û xwest ku ji bo çareserkirina pirsgirêkan dûrî tundiyê hewlên xwe zêdetir bikin.
Serokê Desteya Giştî ya Herêmên Kurdistanê yên li derveyî îdareya Herêma Kurdistanê Fehmî Burhan jî bi Cîgirê Serokê Parlamentoyê Şaxwan Ebdullah re civiya.
Di hevdîtinê de rewşa giştî ya welat û çend mijarên hevbeş hatin gotûbêjkirin û herwiha behsa rêyên çareser kirina pirsgirêk û astengiyên li pêşiya cotyaran hate kirin û herwiha tekezî li ser berdewamiya hemahengî û hevkariya di navbera sazî û dezgehan de hate kirin ji bo  dabînkirina aramiyê , pêşxistina binesaziyê û xizmetguzariyên bingehîn ji welatiyan re li wan deveran.
PUKMEDIA