Yekîtî wê kurdan li herêmên bi nakok bide qezenc kirin

Kurdistan 07:49 PM - 2023-07-15

Hilbijartin

Yekîtiya Niştimanî ya Kurdistanê amaje bi wê yekê dike ku Kurd bi yek lîsteyê beşdarî hilbijartinên parêzgehên Êraqê bibin,bi yek lîsteyê serkeftinê  bi dest bixin û li navçeyên Kurdistanî yên li derveyî îdareya Herêmê bi ser bikevin ,da ku Kurd parêzgarê Kerkûkê bi dest  bînin û dengên herî zêde li parêzgehên Nînowa, Diyala û Selahedîn jî bixin . Berpirsê Navenda Rêkxistinên Mûsilê ya Yekîtiya Niştimanî ya Kurdistanê Aras Mihemed Axa got:"Ji bo hevpeymaniyê ti xeta me ya sor li ser ti aliyekî nîne û em dixwazin hemû aliyên Kurdistanî li ser hilbijartinên dahatî yên parêzgehan li navçeyên nakok ligel YNKê li hev bikin.’’

Yekîtiya Niştîmanî yek lîsteyek Kurdî dixwaze

Berpirsê Navenda Rêkxistinên Mûsilê ya Yekîtiya Niştimanî ya Kurdistanê Aras Mihemed Axa di daxuyaniyekê de ji malpera fermî ya Yekîtiya Niştimanî ya Kurdistanê PUKMEDIA re ragihand: “Her çend ku Yekîtiya Niştimanî hêzeke bibandor e li parêzgeha Nînowa, lê deriyên wê vekirî ne ji hemû partiyên din ên kurdî re û dixwaze kurd beşdarî hilbijartinên Encûmena Parêzgeha Nînowa bibin bi yek lîst."
Got jî: Yekîtîya Niştîmanî yekem partîya Kurdistanî ye ku hemû baregehên xwe li hundirê bajarê Mûsilê de vedike, daku zêdetir xizmetguzarî pêşkêşî hemwelatîyên bajêr bike, bi welatî û serokên eşîrên herêmê ve jî ve mijûl in li parêzgeha Nînowa, ji ber ku baweriya xwe bi  hemû pêkhateyan heye.”
Berpirsê Navenda Rêkxistinên Mûsilê diyar kir, eger Kurd di hilbijartinên pêş de yekgirtî bin, dikarin hejmara herî zêde nûnerên xwe bişînin encumenên parêzgehên Kerkûk, Nînowa, Diyala û Selahedîn. Parêzgeha Nînowa, li gorî parêzgehên din ku li navçeyên nakok, taybetmendiyek xwe heye, ji ber ku piraniya nifûsa wê ji neteweperestiya ereb in û eger dengên kurdan li ser çend partiyan bên dabeşkirin, ev yek dibe sedema lawazbûna giranî û statûyê ya Kurdan, lê bi yekrêziya deng û helwestê, em dikarin dengên beşeke mezin ji  navçeyên parêzgehên  ku Kurd tê de dijîn bi dest bixin.

Yekîtiya  Kurd pirsgirêkên Şengalê çareser dike

Li ser heman mijarê Berpirsê Navenda Rêxistinên Şengalê ya Yekîtiya Niştimanî ya Kurdistanê Dawd Cundî Silêman jî ji PUKMEDIA’yê re got: “Pêkhat û aliyên Şengalê bi Yekîtiya Niştimanî ya Kurdistanê re hevaheng in ku pêwîstiya Kurdan bi beşdarbûna Kurdan heye. Hilbijartinên encûmenên parêzgehên Êraqê pêwîstî  bi lîsteyek yekgirtî heye û  got: “Armanca me yekrêziya kurdan li navçeyên nakokdar e,xizmet kirina hemû pêkhateyan ne tenê kurd , ji ber ku pêkhateyên din ên herêmê baş dizanin ku Kurd nebûne sedem û beşek ji nakokiyan, belku hertim hewl dane ku pirsgirêk û nakokiyên di navbera aliyên cuda de çareser bikin.

Çêkirina lihevhatineke Kurd li navçeyên nakok

Li ser pêşniyara Bafil Celal Talebanî Serokê Yekîtiya Niştimanî ya Kurdistanê (YNK), şandeke Mekteba Siyasî roja 12.07.2023ê serdana Yekgirtûya Îslamî û Komala Dadgerî kir ji bo yekrêziya Kurdan di hilbijartinên dahatû yên Encûmena Parêzgehên Êraqê de.
Piştî civînan Berpirsê Dezgeha Hilbijartinê ya Yekîtiya Niştimanî ya Kurdistanê (YNK) Razgar Hacî Hema wiha got:"Peyama me ji hemû hêz û aliyên siyasî re ew e ku em hemû bi hev re li navçeyên nakok bi yek lîste û hevpeymaniyê beşdarî hilbijartineke paqij bikin û hebûna Kurdistanê li van deveran careke din îsbat bikin."
PUKMEDIA