Parlementar: Budce heta niha neketiye ware cîbicîkirinê

PUKMEDIA

Diravên Êraqî

Endama Lêjneya Darayî ya Encûmena Nûneran Dr.Nermîn Maarûf ji PUKMEDIA re ragihand ku Pirojeyasaya Budceyê ji ber nedana rênimayên taybet bi cîbicîkirina pirojeyasayê ji aliya wezareta darayî ya Federal ve heta niha ne ketiye warê cîbicîkirinê.
Û wê got jî: Eger bûdce nekeve warê cîbicîkirinê, hikûmeta Fîderal  dê mûçeyên karmendan ji hikûmeta herêma Kurdistanê re, bi du pişkan bişîne, ku her pişkek 400 milyar dînare.

D.Nermîn Maarûf ekire kir ku Hikûmeta Herêma Kurdistanê dê ji wan pereyan  mûçeyên karmendan xerc bikin û bi rêye dahatên navxwe wek deriyên sînorî temam bike.
Wê got: Bi baweriya min wezareta darayî li hikûmeta federal dê di çend rojên bê de rênimayên cîbicîkirina yasaya bûdceyê derbixe û dest bi cîbicîkirina bûdceyê bike.
Roja 26.06.2023 rojnameya Êraqî yê Weqaê ya ser bi Wezareta Dadê ya Federalî yasaya hejmara (13) ya sala 2023an “Bûdceya Giştî ya Federalî ya Komara Êraqê ya salên darayî (2023-2024-2025)” weşand. ”
Ji ber vê yekê diviyabû yasaya bûdceya federal piştî ku Serok Komarê pesend kir û di Rojnameya Êraqê de hat weşandin biketa ware cîbicîkirinê.
Û cenabê Serok Komarê Dr.Ebdul Letîf Cemal Reşîd, roja Çarşemî 21.06.2023, yasaya budceya darayî ya giştî ya federalî pesend kiribû.
Serok balkişand li ser wê yekê ku pesendkirina bûdceyê xaleke zivirînê ye ji bo hikûmetê ji bo cîbicîkirina bernameya xwe, ku têde peydakirina pêdiviyên pêwîst ên welatiyan, pêşkêşkirina  xizmetguzariyên serekî yên weke tendirustî û xwendinê, nûavakirina jêrxanê û destpêkirina pirojeyên giring û stratejî yên ku dê têde bin.
Cenabê wî amaje bi wê yekê kir ku pêwîste kar ji bo mentiqkirina xerciyên hikûmetê, parastina diravê giştî û pêşvebirin û cudakirina jêderên aborî di demekê de ku welat rûbirûyê kêşeyên aborî û jîngehî bûye.
Serok Komarê her wiha hewlên ji bo pesendkirina bûdceyê ji hemû aliyan ve, bi berçavgirtina aliyên girîng ên kargêrî û sermayeguzariyê û dadperweriya li hember girûpên kêm dahat, bi awayekî ku dadperweriya civakî pêk bîne, bilind nirxand.
Pejirandina cenabê wî piştî wê yekê hat ku yasaya bûdceyê piştî dengdanê ji Civata Nûneran giheşte Serokatiya Komarê.
Êraq piştî guftûgo û civînên demdirêj di navbera hêz, aliyên siyasî û baskên parlamentoyê de dest bi bûdceya herî mezin kir, ji ber ku bûdce 134 trîlyon û 500 milyar dînar e, ji ber ku pişka Herêma Kurdistanê di vê bûdceyê de dê 20 trilyon dînar be. rêjeya (12,67).
Hikûmeta Herêma Kurdistanê salane 9 trîlyon dînar ji pişka xwe ya bûdceyê ji bo mûçeyên karmendan terxan dike.



PUKMEDIA