Yekîtî bi Tevgera Goran re gotûbêjan dike

PUKMEDIA

Civîna Yekîtî û Tevgera Goran

Şandeke Mekteba Siyasî ya Yekîtiya Niştimanî ya Kurdistanê, îro Duşemê 17.07.2023, beriya nîvro serdana baregeha Tevgera Goran li bajarê Silêmaniyê kir û ji aliyê hejmarek ji endamên Encûmena Niştimanî, berpirsên tevgerê ve hat pêşwazîkirin.

Şanda Yekîtiya Niştimanî ji Rizkar Hac Hema û Dr. Mîran Mihemed Endamê Mekteba Siyasî û endamê Encûmena Serkirdayetiya berpirsê pêwendiyên Kurdistanî di Yekîtiya Niştimaniya Kurdistanê de Salar Serhed pêk dihat.
Ev civîn wek berdewamiya civînên berê de tê, ku şandeke pilebilind a Yekîtiya Niştimanî ya Kurdistanê bi serokatiya Bafil Celal Talebanî Serokê Yekîtiya Niştimanî, serdana mekteba siyasî ya Partiya Demokrata Kurdistanê li havîngeha Pîrmam kir.
Roja 12.07.2023 şandeke mekteba siyasî serdana her du Koma Dadweriya Kurdistanê û Yekgirtûya Îslamiya Kurdistanê kir.
Biryar e îro piştî nîvro şande serdana Partiya Sosyal Demokrat jî bike.
Ev civîn bi armanca pêkhatina lihevhatineke Kurdistanî û beşdarbûna di hilbijartinên parêzgehên Êraqê de bi yek lîste li Kerkûk û navçeyên Kurdistanî yên li derveyî îdareya herêmê tên.
Di daxuyaniyekê de berî niha Endamê Mekteba Siyasî ya Yekîtiya Niştimaniya Niştimanî Rizgar Hac Hema daxwaz ji hemû aliyên siyasî yên Kurdistanî kiribû ku bi yek lîsteyê beşdarî hilbijartinên dadmend û zelal bibin û bi dengên xwe Kurdistanîbûna wan navçeyan îsbat bikin.

PUKMEDIA