Serok: Ji bo cîbicîkirina madeya (140) karekî ciddî pêwîste

PUKMEDIA

Kerkûk

Rêzdar Serokkomar Dr.Ebdulletif Cemal Reşîd amaje bi pêwîstiya karekî ciddî ji bo cîbicîkirina madeya (140) ya destûrê û bidawîanîna pirsgirêkên daliqandî  di derbarê wê de bi awayekî ku mafê hemûyan bê parastin, kir.
Birêz serok bal kişand ser giringiya şopandina cîbicîkirina biryarên Desteya Bilind ji bo cîbicîkirina madeya destûrî (140) bi lidarxistina civîn û kombûnên li gel dezgehên pêwendîdar û giringîdan bi vê dosyayê, ku bandorê li ser jiyana xelkekî berfireh dike ku beşeke ji pêkhateyên civaka Êraqê.
Pêştir cenabê wî bi awayekî cuda li gel şandekê ku ji hejmarek cotkar û kolberên parêzgeha Kerkûkê û endamê Komîteya Bilind a Cîbicîkirina Maddeya (140) ya Destûra Bingehîn birêz Babiker Sidîg Ehmed pêk dihat, civiyabû û guhdariya wan kiribû, derbarê pirsgirêkên  ku rûbirûyê wan dibin, bi taybetî di çareserkirina pirsgirêkên girêdayî bi zeviyên çandiniyê û  aktîvkirina Made (140).
 Heyet piştî hevdîtina bi Serokkomar re çendîn hevdîtin ligel berpirs û dezgehên pêwendîdar pêk anîn û di encamê de gavên rast hatin avêtin ji bo  cîbicîkirina biryara hijmara (29) a sala 2012ê ya civata wezîran bi mebesta dîtina çareyên guncaw ji bo azarên cotkarên Kerkûkê.
Cenabê Serok ferman da ku komîteyek di Serokatiya Komarê de ji bo şopandina cîbicîkirina biryarên Komîteya Bilind a Destûra Bingehîn (140) ji aliyê wezaret û saziyên pêwendîdar ve were avakirin û raporekê pêşkêşî cenabê xwe bike.
PUKMEDIA