Di hilbijartinên parêzgehan de tekezî li ser yekrêziya Kurdan kir

PUKMEDIA

Şanaz Xanim û Hakim Qadir

Endamê Desteya Bilind a Siyaset û Berjewendiyên Yekîtiya Niştimanî ya Kurdistanê li bajarê Silêmaniyê Hakim Qadir Hema Can serdana xanima yekem a Êraqê Şanaz Îbrahîm Ehmed kir.
Di hevdîtinê de rewşa siyasî ya navçeyê û Êraqê hat gotûbêjkirin û her du alî tekez li ser wê yekê kirin ku pêwîste hilbijartinên Parlamentoya Kurdistanê di dema xwe de bên lidarxistin û aliyên siyasî rewşa siyasî û destûrî ya Herêma Kurdistanê nekin qurbanî hizbî û divê ew razî bin ku di zûtirîn dem de hilbijartinên dadmend û şefaf ji bo çareser kirina valahiya destûrî pêk bînin , ku niha li Herêma Kurdistanê heye.
Di civînê de behsa hilbijartinên encumenên parêzgehên Êraqê hate kirin û her du alî hevdeng bûn ku aliyên Kurdistanî yên li Kerkûk û navçeyên Kurdistanî yên derveyî îdareya Herêma Kurdistanê pirsgirêkên xwe bidin aliyekî û bi yek lîste beşdarî hilbijartinan bibin, bi taybetî ev  hilbijartin diyarker e. Kurd çiqas nebin yek lîste jî girîng e Kurd ji du lîsteyan zêdetir nebin.
Di hevdîtinê de her du alî behsa yasaya petrol û gaza Êraqê kirin ji ber dosyayeke hestiyar û stratejî ya Herem  û Êraqê ye, ji ber wê jî giringe Kurd li Bexdayê xwedî dengekî yekgirtî bin  û di pêşwext de nabe li ser  vê reşnivîsê razî bin , berovajî, ev qanûn dê zirarê bide armancên stratejîk ên gelê Kurd, ji ber wê jî divê aliyên siyasî bi deng û biryareke yekgirtî bi vê yasayê re mijûl bibin û ji kesayetiyên akademîk, pispor û pisporên vî warî sûd werbigirin.”
Di dawiya vê hevdîtinê de, her du alî li ser wê yekê hevdeng bûn ku,  ne li Heremê  û ne jî li Bexdayê, ti behaneyek ji bo manîpulekirina mûçe nemaye, ji ber wê jî divê Bexda mûçeyê fermanberên Herêmê Kurdistanê. Her wiha divê hikûmet bi awayekî giştî mûçeyên karmendan dabeş bike.
PUKMEDIA