Gendelî ziyaneke mezin dide berhemên cotkarên parêzgeha Hewlêrê

Kurdistan 12:35 PM - 2023-07-20

Behema Genim

Demek dirêje proseyên wergirtina berhemê genim ji cotkarên Herêma Kurdistanê dest pê kiribûn bo hendkirina gotkaran da ku biçînin û berhemên xwemalî biparêzin.
Li gor zanyariyên ku ketine destê PUKMEDÎyê, zêdetirî 40 hezar cotkaran li Herêma Kurdistanê li rûberekî ku zêdetirî du milyon û nîv donim zeviyên çandiniyê ye, genim çandine.
Berhemên cotyaran li hemû herêmên Herêma Kurdistanê bê pirsgirêk ji cotkaran werdigirin, lê li parêzgeha Hewlêrê ji ber gendelî û bazirganiya neyasayî cotkar bi pirsgirêka negihîştina berhemên xwe re rû bi rû mane.

Tişta ku li Hewlêrê rû daye ji ber gendeliyê ye

Berdevkê Wezareta Çandiniyê ya Hikûmeta Herêma Kurdistanê Hîwa Elî Ebdulrehman ji malpera fermî ya Yekîtiya Niştimanî ya Kurdistanê PUKMEDIA re ragihand: Tişta ku li parêzgeha Hewlêrê li ser kêşeya wergirtina genim ji cotkaran qewimî, ji ber gendeliyê derketiye.
Got jî: cotyaran rûbirûyê biryarekê bûne ku berhemên xwe yên çandinîyê wernegirin, ji ber ku pişkên xwe dane kes yan kompanyayên sektora taybet.

Gendeliya sîstematîk

Berdevkê Wezareta Çandiniyê dibêje: Tişta ku li Hewlêrê qewimî, gendelî ye ji aliyê komek kafiroş û bazirganên ku bi debara jiyana cotkarên Hewlêrê lîstin hatiye kirin, lê heta niha ev mijar nehatiye ragihandin.
Got jî: Wezareta Çandiniyê komîteyek ji bo lêkolîna li ser vê proseyê û çareserkirina kêşeya cotkarên parêzgeha Hewlêrê pêk anî, lê heta niha encamên lêkolînê nehatine ragihandin.

Hikûmetê pirsgirêka me çareser nekir

Ji aliyê xwe ve nûnerê cotkaran li parêzgeha Hewlêrê got: Piştî nerazîbûna li hember bûyerên ku di seyloyên parêzgeha Hewlêrê de qewimîn, Hikûmeta Herêma Kurdistanê biryar da ku pirsgirêka me çareser bike.
Got jî: Em gelek dilgiran in ji mekanîzma danûstandinê bi me re, lê mixabin cihêkarî û kêmasî heye ku em pê re rû bi rû ne û ev 10 roj in em li ber dukanên wergirtina genim radiwestin.
Got jî: Hikûmeta Herêma Kurdistanê soz da me ku dê berhemên me werbigire, lê soza xwe cîbicî nekir û li şûna ku berhemên me werbigire, ji çend kompaniyên sektora taybet wergirt û rêjeyek ji genim heye ku dema ku ji sayloyê ve tê wergirtin, ji dest diçe.

PUKMEDIA taybet