Huqumkirina Şêrwan Şêrwanî dûrketina ji rêgezên azadiyê ye

PUKMEDIA

Mekteba Ragihandinê YNK'ê

Mekteba Ragihandina  Yekîtiya Niştimanî ya Kurdistanê (YNK) li ser jinûve girtina rojnamevan Şêrwan Şêrwanî ji bo 4 salan daxuyaniyek da û got:“Gelê qelem û xebatkarên sivîl û demokrat li Kurdistaneke ku bi azadî û aştiya xwe serbilind e, heqê azadî û rêzgirtinê ne, ne zindan û sînordarkirin.’’
Nivîsa daxuyaniyê.
Piştî ku Dadgeha Hewlêrê cara duyemîn 4 sal cezayê girtîgehê li rojnamevan Şêrwan Şêrwanî birî, careke din bi xemgînî, bi sedan xalên pirsiyar hatin bilindkirin.Azadiya gotinê û azadiya rexne û weşanê li Kurdistanê di bin pirseke cidî de ye û raportên navdewletî yên rêxistinên mafên mirovan û rojnamevaniyê weke berê jîngeha azadiya Herêma Kurdistanê bi metirsîdar binav dikin û îftira li wan nehatiye kirin.
Dadgeha Hewlêrê roja 16ê Sibata 2021ê, li gor madeya 156 a yasaya cezayên Êraqê, 6 sal cezayê girtîgehê li Şêrwan Şêrwanî û 4 kesên din birî.
Şêrwan Şêrwanî di 20/7/2023 bo cara duyem li gor madeyên 298 bi  4 sal zîndan hat mehkûm kirin.
Di dema ku dadgeh dikaribû di çarçoveya yasa û rêzikên Kurdistanê û yasaya rojnamevaniyê de bihata kirin, her çend di bingeh de nivîsandin û weşangerî ne sûc e ku cezayê girtîgehê lê were birîn, me hemûyan hêvî dikir ku dadgeh êdî nekevin bin bandor û zexta qada siyasî  û dergehek ji bo axaftin û rexnekirinê, da ku nav û dengê azadiya derbirînê li herêma me xirabtir nebe.
Nivîskar û çalakvanên medenî û demokrat li Kurdistaneke ku bi azadî û aştiya xwe serbilind e, heqê azadî û rêzgirtinê ne, ne zindan û sînordarkirin.
Mekteba Ragihandinê
21/07/2023
PUKMEDIA