CPT: Divê rayedarên Herêma Kurdistanê Şêrwan Şêrwanî azad bikin

PUKMEDIA

Şêrwan Şêrwanî

Komîteya Parastina Rojnamevanan (CPT)  li ser çar sal cezayê girtîgehê li çalakvan Şêrwan Şêrwanî ku hatbû  birîn hate deng û bang li hikûmetê kir ku çalakvanê navdar ê herêma Badînan Şêrwan Şêrwanî azad bike ,her wiha rakirina hemû tometên li ser wî û îzna karkirina rojnamevanan bi şêwayê azad kir.
Komîteya Parastina Rojnamevanan (CPT) derbarê dosyayê de lêkolîn kiriye û bi parêzer û xizmên Şêrwan Şêrwanî û Gohdar Zêbarî yên ku beşek ji dozê ne re axivîye. Komîteyê amaje bi wê yekê jî kir, ku dadgeha tawanan a Hewlêrê guh nedaye gotinên Gohdar Zêbarî ku gotibû, wî destûr daye Şêrwan Şêrwanî ku li ser navê wî daxwaznameyekê îmze bike.
CPT  ji Wezareta Edaletê ya Herema Kurdistanê re re peyam şand, lê tu bersiv negirtiye.
Roja 20-7-2022, Dadgeha Tawanan a Hewlêrê li ser gilînameyekê ji aliyê Rêveberiya Çaksaziya Herêma Kurdistanê bi tohmeta sextekirina belgeyan 4 sal cezayê girtîgehê li Şêrwan Şêrwanî birî.
…
Komîteya Parastina Rojnamegeran (CPT) rêxistineke nehikûmî ya navneteweyî ye ku navenda wê li bajarê New Yorkê ye ji bo parastina mafên rojnamevanan. Rêxistin derbarê zext û kuştinên rojnamevanan li çaraliyê cîhanê agahiyan berhev dike.
Komîte di sala 1981ê de ji aliyê peyamnêrekî Amerîkî ve hatiye avakirin. Di navenda rêxistinê de 22 xebatkar hene, di nav wan de pisporên Afrîka, Amerîka, Asya û Ewropayê hene.
PUKMEDIA