Konferansa redkirina Lozanê pêk tê

PUKMEDIA

Çalakvan û çavdêrê siyasî Salar Mehmûd

Tê payîn ku bi hezaran Kurd beşdarî 100 saliya Peymana Lozanê bibin û zilma 100 salî ya li ser Kurd û Kurdistanê bi giştî red bikin.
Çalakvan û çavdêrê siyasî Salar Mehmûd ku beşdarî  wê çalakiyê dibe  ji PUKMEDIA'yê re wiha got: "Tê payîn ku 100 hezar Kurd û dostên wan li ber salona ku di 24'ê Tîrmeha 1923'an de peyman hatiye îmzekirin amade bibin."
Salar Mehmûd got:"Diyasporayên Kurdistanî û her kesên ku dikarin beşdar bibin bila beşdar bibin".
Li gorî Salar Mehmûd, li pêşiya vê pirsgirêka netewî astengî hene, lê Kurd, dostên biyanî û nûnerên piraniya partiyên siyasî û saziyên sivîl ên Kurdistanê ji çar aliyên cîhanê derketine vê qonaxa girîng û beşdarî konferansa sedsaliya Lozanê dibin.
Biryare konferans di 22-23-24/7/2023 de bi armanca redkirina peymana sedsala Lozanê, derbas bibe.
..
Piştî Şerê Cîhanê yê Yekemîn, li erdnîgariya Rojhilata Navîn sînor hatin xêzkirin. Ev sînorên hatin xêzkirin, sala 1639'an bi peymana Qasri-Şîrîn re ku di navbera Osmanî û Îranê de hate mohrkirin, Kurd kir du parçe. Kurd, 24'ê Tîrmeha 1923'an bi peymana Lozanê re bûn çar parçe.
Di van 100 salên dawî de Kurd li Bakur, Başûr û Rojava di komkujiyên mezin re derbas bûn.
PUKMEDIA