Xanima Yekem :termên qurbaniyên Enfalê vegerînin

PUKMEDIA

Cenazeyên şehîdên Enfalê

Xanima Yekem Şanaz Ibrahîm Ehmed daxwaz kir ku hewlên zêdetir bidin û hevahengiya di navbera hikûmeta herêmê û hikûmeta federal de bihêztir bikin ji bo vegerandina termên qurbaniyên Enfalê yên ku di operasyonên Enfalê de ji aliyê rêjîma Sedam Beas ve hatibûn şehîdkirin.
Şenaz Ibrahîm Ehmed dibêje: “Ew hestiyên bi sedan qurbaniyên Enfalê yên ku ji aliyê rejîma dîktator a têkçûyî ve hatibûn şehîd kirin, ku berî zêdetirî sê salan li başûrê Êraqê di gorên komî de hatibûn dîtin, heta niha li Bexdayê ne û heta niha jî nasnameya van şehîdên bêguneh nehatine naskirin.”
Û wê got jî: "Hejmarek gorên bikom hene ku termên qurbaniyên operesyonên din yên nijadkujiyê hene ku hîn nehatine kolandin, û heta niha ti hevahengiyek di navbera hikûmeta federal û Hikûmeta Herêma Kurdistanê de çênebûye ji bo diyarkirina çarenivîsa termên van qurbaniyên bêguneh."
Xanima Yekem piştgiriya xwe ji vê proseyê re ragihand: "Em piştgiriya  xwe ji bo tîma niştimanî ya pispor di lêkolîn û kolandinê de tekez dikin, ku ji Wezareta Karûbar û Parastina Gorên Komî yên Saziya Şehîdan, Beşa Pizîşkî ya Dadwerî li Wezareta Tendirustiyê û Wezareta Şehîdan û Enfalkiriyan a Herêma Kurdistanê pêk tê ji bo naskirina qurbaniyan û vegerandina termên wan ji bo malbatên wan."
PUKMEDIA