Dengê Azad li Silêmaniyê tê piştgirî kirin

PUKMEDIA

Şêrwan Şêrwanî

 Li Silêmaniyê ji bo piştgiriya rojnamevan Şêrwan Şêrwanî wê kombûnek bê lidarxistin, serpereştiyarên kombûnê amajebi wê yekê dikin ku lihevkombûn bo piştîvanîkirina li dengê azad û ew zulmê ku li Şêrwan Şêrwanî tê kirin e.


Biryar e îro 23-7-2023ê li bajarê Silêmaniyê bi durişmeya (Berevanîkirina Şêrwan Şêrwanî û hevalên wî bergiriya sibayeke azadtir) bi amadebûna rojnamevan, çalakvan û rewşenbîran, mîtîngeke aştiyane li ber baxçeyê giştî yê bajarê Silêmaniyê were lidarxistin.

Li gorî daxuyaniya ku ji aliyê rêxistkerên mîtîngê ve hatiye dayîn wiha hat gotin: Em bang li welatiyan dikin ku li dijî neheqiya ku li ser navê qanûnê li rojnameger Şêrwan Şêrwanî û hevalên wî tê kirin dakevin qadan û nerazîbûnê nîşan bidin.

Eve di demekê de ye ku roja 20-7-2023 dîsan ji aliyê dadgeha Hewlêrê ve çar sal ceza li rojnamevan Şêrwan Şêrwanî hate birîn, rastî nerazîbûn û nerazîbûnên mezin hat û duh li baxçeyê giştî yê Ranyayê, civîneke nerazîbûnê bo piştevanîkirina rojnamevan Şêrwan Şêrwanî hate lidarxistin.
 

PUKMEDIA