Serok Bafil: Em bi coş ber bi hemahengiyê ve diçin

Daxuyaniya Serok Bafil

Serok Bafil û Humam Hemûdî

Serokê Yekîtiya Niştimanî ya Kurdistanê (YNK) Bafil Celal Talebanî pêşwaziya Dr. Humam Hemûdî Serokê Encumena Bilind a Îslamî ya Êraqê kir.
Di hevdîtinekê de Refaat Ebdullah Biryarderê Desteya kargeriya Mekteba Siyasî û Dr. Izzat Sabir endamê serkirdayetiyê amede bûn , rewşa giştî ya welat û guhertinên siyasî yên dawî gotûbêj kirin û tekîd li ser lihevhatin û hevkariyeke rastîn bi awayekî ku mafên hemû netewe û civakan bê parastin kir.
Her wiha di civînê de tekezî li ser pêwendiya navbera YNKê û Encûmena Bilind a Îslamî ya Êraqê  de hat kirin û tekezî li ser pêşxistin û berfirehkirina wê kirin. Di vê çarçoveyê de Dr. Humam Hemûdî rola Serok Mam Celal û şehîd Mihrabî di avakirina Êraqa nû de bilind nirxand û got ku dîroka nû ya Êraqê di vê malê de hatiye nivîsandin û biryarên girîng li vir hatine dayîn, lewma em wan rojan bi rêzdarî bibîr tînin.
Li hember de jî Serok Bafil Celal Talebanî stratejiya niştimanî ya YNKê ji bo hemû hevkêşeyên siyasî pêşkêş kir û got ku em bi coş ber bi hemahengî û xebata hevbeş ve diçin, ji ber ku em di wê baweriyê de ne ku bi têgihiştin û hevkariya bi hevalên xwe re, em dikarin li ser pirsgirêkan  re derbas bibin û welat ber bi dewlemendiyê ve bibin.
PUKMEDIA