Qubad Talebanî: YNK hertim baweriya xwe bi karê rêxistinî hebûye

Kurdistan 09:00 PM - 2023-07-25

Qubad Talebanî serdana Buroya Rêxistinên Demokratîk a YNK’ê kir

Qubad Talebanî  Serpereştyarê Sekreteriya Serok Mam Celal serdana Buroya Rêxistinên Demokratîk a Yekîtiya Niştimanî ya Kurdistanê kir û got:’’YNKê ji roja damezrandina xwe heta niha bi karê rêxistinî bawer kiriye ku hemû beşên civakê karînên xwe ji bo pêşxistina civakê û avakirina civakeke sivîl û demokratîk bikar aniye.’’

Qubad Talebanî: Hêviya me zêdetir heye ku hûn xizmeta YNKê bikin

Îro sêşem 25.07.2023’an, Qubad Talebanî  Serpereştyarê Sekreteriya Serok Mam Celal serdana Buroya Rêxistinên Demokrat a YNK’ê kir û ji aliyê Serokê Buroya Rêxistinên Demokratîk Cûtîar Nûrî, hevrêyên Serkirdayetiyê Feryal Ebdullah û Sertîp Elî û hejmarek ji endamên Buroyê, şêwirmend û kadroyên Buroyê ve hat pêşwazîkirin.
Qubad Talebanî di serdana xwe de pîrozbahî li hemû rêhevalên Buroyê kir ku kariye kar û çalakiyên buroyê di demên borî de bi cih bîne, weke guhertineke baş di karê rêxistin, komele û sendîkayan  de hatine kirin û wiha got:’’ Hemahengiya di navbera we û desteyên din de me kêfxweş dike û em hêvîdar in ku hûn zêdetir xizmeta YNKê bikin   piştre serdana dezgehên Buroya Rêxistinên Demokrat kir.’’

Komele, sendîka û rêxistinên YNKê xwedî girîngiyekî  mezin in

Serpereştyarê Sekreteriya Serok Mam Celal Qubad Talebanî  bi Serokê Buroyê, Serokên desteyan û endamên Buroyê re civiya û di destpêka civînê de Serokê Buroya Rêxistinên Demokratîk balkişand li ser kar û çalakiyên Buroyê ,rêbazên xebata rêxistinî û daxwazên Biroyê pêşkêşî Serpereştyarê Sekreteriya Serok Mam Celal kir.
Di vê derbarê de, Qubad Talebanî amaje bi wê yekê jî kir, ku di nav YNKê de hejmareke gelek baş ji kadroyên jêhatî hene, ku divê kar bikin ji bo xizmetkirin û parastina siyaset , stratejiya YNKê , pêşxistina karê rêxistinî û pêşketina rêxistinan bi şêweyekî nûjen û got:“YNK’ê ji roja damezrandina xwe ve heta niha bi karê rêxistinî bawer kiriye ku hemû beşên civakê karînên xwe ji bo pêşxistina civakê ,avakirina civakeke sivîl û demokratîk bikar aniye.’’
Her wiha got:’’ “Pêwîste rêxistin, komele û sendîka kongreyên xwe li dar bixin û xwe nû bikin daku ji bo vê serdemê guncawtir bin, ji ber ku roleke wan a girîng di pêşxistina civakê û başkirina awayê rêvebirina Herêma Kurdistanê de heye.’’
Di dawiyê de rêhevalên Buroya Rêxistinên Demokratîk daxwazên xwe ji Qubad Talebanî re pêşkêş kirin, da ku xwe ji bo adaptasyona baştir ji rewşa heyî re amade bikin.
PUKMEDIA