YNKê û UNAMI: Li Herêma Kurdistanê hilbijartinên dadperwerane pêwîste

PUKMEDIA

Hilbijartin

Îro çarşeme 26.07.2023, Berpirsê saziya hilbijartinan li Yekîtiya Niştimanî ya Kurdistanê Rizgar Hacî Hema li Silêmaniyê pêşwaziya şandeke UNAMI bi serokatiya berpirsê ofîsa Herêma Kurdistanê di wê rêxistinê de Ricardo Rodriquez û şanda pê re kir. 
Şêwirmendê siyasî û berpirsê ofîsa UNAMI li Silêmaniyê Karwan Xoşnaw di hevdîtinê amede bûn,her wiha di hevdîtinê de Razgar Hacî Hema amaje bi wê yekê kir: ‘’Yekîtiya Niştimanî ya Kurdistanê (YNK) giringiyê dide pirsa hilbijartinên Parlamentoya Kurdistanê û pêwîstiya lidarxistina wan hilbijartinan, her wiha nêrîna YNKê ya derbarê proseya demokrasiyê ji şanda mêvan re rave kir.’’
Her du alî li ser giringiya lidarxistina hilbijartinan bi şêweyekî nûjen û mekanîzmayeke dadperwer hemfikir bûn, ku ji aliyê hemû hêz û aliyên bibandor di proseya siyasî ya Herêma Kurdistanê de bê qebûlkirin.
PUKMEDIA