YNKê û PDKê li ser geşedanên rewşê û pêwendiyên dualî gotûbêj dikin

PUKMEDIA

Yekîtiya Niştimanî û Partiya Demokrat li Debaşan dicivin

Biryar e sibe Yekşemê 30.07.2023ê şanda polîtburoyên Yekîtiya Niştimanî ya Kurdistanê û Partiya Demokrata Kurdistanê li bajarê Silêmaniyê bicivin.
Di vê derbarê de Peyvdarê Yekîtiya Niştimanî ya Kurdistanê  Soran Cemal Taher ji PUKMEDIA re ragihand: Biryare sibe roja yekşemê şandeke mekteba siyasî ya Partiya Demokrata Kurdistanê serdana bajarê Silêmaniyê bike û civîneke navbera Şandên polîtbîroya Yekîtiya Niştimanî ya Kurdistanê û Partiya Demokrata Kurdistanê li Debaşan pêk bê.
Soran Cemal tekez kirin ku, ev civîn dê berdewamiya civînên berê yên di navbera her du aliyan de be û li ser çendîn mijarên girîng ên di derbarê Iraq û Kurdistanê wekû hilbijartinên parêzgehên Iraqê, Parlamentoya Kurdistanê û têkiliyên dualî yên di navbera her du partiyan de dê gotûbêj bên kirin."
Di heyama borî de çendîn civîn di navbera her du aliyan de hatin encamdan ku ya dawî roja 9/7/2023 bi amadebûna Bafil Celal Talebanî Serokê Yekîtiya Niştimanî ya Kurdistanê bû.
PUKMEDIA