Washington pêşwaziyê li rêkeftina YNK, PDK li ser çend mijaran dike

PUKMEDIA

Konsulxaneya Amerîka li Hewlêrê

Amerîka pêşwazî li rêkeftina Yekîtiya Niştimanî ya Kurdistanê û Partiya Demokrat a Kurdistanê di civîna duh Yekşemê 30.07.2023ê de li ser çend mijarên bilez kir.

Konsulxaneya Amerîka li Hewlêrê di twîteke xwe ya li ser Twitterê de ku ji aliyê PUKMEDIA ve hatiye şopandin ragihand: “Konsulxaneya Amerîkayê li Hewlêrê pêşwaziyê li rêkeftina Yekîtiya Niştimanî ya Kurdistanê û Partiya Demokrat a Kurdistanê ya derbarê lidarxistina hilbijartinên Parlamentoya Kurdistanê û yekgirtin û birêxistinkirina Hêzên Pêşmerge dike.”
Konsulxaneyê di twîteke xwe de wiha got: "Em li benda pêşkeftinên zêdetirin derbarê dozen mayî di hevdîtinên piştre yên di navbera her du aliyan de ku di berjewendiya gelê Kurdistana Êraqê de bin.

Şandên polîtburoyên Yekîtiya Niştimanî ya Kurdistanê û Partiya Demokrata Kurdistanê duh yekşemî li Debaşan bi amadebûna Bafil  Celal Talebanî Serokê Yekîtiya Niştimanî ya Kurdistanê civiyan.
Di civînê de daxuyaniyeke hevbeş hate dayîn û têde lihevkirina her du aliyan li ser van xalan hate ragihandin:

1- Her du alî piştgirî didin hilbijartinên Parlamentoya Kurdistanê di dema ku Serokê Herêma Kurdistanê piştî şêwirîna aliyên siyasî yên Herêma Kurdistanê diyar kiriye.

2- Ji bo xizmetkirina zêdetir ji bo girseyên gelê Kurdistanê di hemû waran de, astengî û cudahiyên biçûk li aliyekî bên danîn û bi hev re ber bi çareserkirina pirsgirêkan ve bimeşin.

3- Me biryar da ku proseya birêxistinkirina hêzên Pêşmerge berdewam bikin.

4- Her du aliyan biryar dan ku piştgiriya rêkeftinên pêkanîna kabîneya nehem a hikûmeta Herêma Kurdistanê bikin.

5- Ji bo nêzîkkirina nêrînan, rûbirûbûna kêşeyan û kontrolkirina astengan, me biryar da ku civînên xwe yên dualî berdewam bikin û bi ruhekî Kurdistanî û niştimanî bi hemû aliyan re hemahengiyê bikin.


PUKMEDIA