Serok Bafil spasiya Brîtanya dike

PUKMEDIA

Serokê Yekîtiya Niştimanî ya Kurdistanê Bafil Celal Talebanî

Serokê Yekîtiya Niştimanî ya Kurdistanê (YNK) Bafil Celal Talebanî spasiya hikûmet û gelê Brîtanyayê kir ji ber biryara naskirina komkujiya li dijî kurdên êzdî wek jenosîd  û ragihand: Erkê her kesî ye ku mafên kurdên Êzdî  biparêze.”
Nivîsa daxuyaniyê.
Biryara hikûmeta Brîtanya ya naskirina jenosîda kurdên êzdî gaveke erênî û teşwîqker e ji bo bêtir ronîkirina tawanên ku li dijî êzdiyan û kurdan bi giştî hatine kirin.
Em ji bo vê biryara dîrokî spasiya Hikûmet û gelê Brîtanyayê dikin û xebatên wan ên ji bo pêkanîna edaletê teqdîr dikin.
Li ser asta Kurdistanê jî erkê me hemûyane ku hewlên xwe ji bo bidestxistina piştgiriya  civaka navdewletî ji bo naskirina tawanên ku li dijî gelê me wek jenosîd hatine kirin û parastina mafên kurdên Êzdî  zêdetir bikin.
Bafil Celal Talabanî
Serokê Yekîtiya Niştimanî ya Kurdistanê
PUKMEDIA