Brîtanya kiryarên DAÎŞê li dijî Êzidiyan weke Jînosayd bi nav dike

PUKMEDIA

Êzdî

Hikûmeta Brîtanyayê roja 1-8-2023 kiryara ku rêxistina terorîst a DAIŞê di sala 2014an de li dijî Êzîdiyan li Êraqê pêk anîbû weke "jîenosayd" nirxand, li gorî ku Wezareta Derve ya Brîtanya di daxuyaniyekê de ragihand, ku ji aliyê ajansa France- Presse.

Di daxuyaniyê de hat gotin, "Brîtaniya duh (Sêşemê) bi fermî pejirand ku DAIŞê di sala 2014an de li dijî Êzidiyan qirkirin pêk aniye."
Heya niha, Brîtanya çar bûyerên jînosaydê nas kiriye: Holokost, Riwanda, Sirîbirînîtse (Bosna û Hirsek) û qirkirina li Kambodiya.
Ofîsa Komonolsa biyanî û Geşepêdanê got ku ev daxuyanî hevdem ligel salvegera neh salî ya "hovîtîya" ku rêxistina Dewleta Îslamî li dijî Kurdên Êzidî li Êraqê pêk anîne, tê.
Êzîdiyên ku ji ber ola xwe bûne hedefên Dewleta Îslamî, di dema desthilatdariya terorîstan a salên 2014-2015’an de, li navçeya Şengalê ku mala kevneşopiya êzîdiyan e, rastî komkujî, zewaca bi zorê û dîl hatin girtin.
Wezîrê Derve yê Brîtanya bo Karûbarên Rojhilata Navîn Tariq Ehmed, di daxuyaniyekê de got: "Êzîdî neh sal berê ji destê DAIŞê gelek êş kişandin, û encamên wê îro jî têne hêskirin." Edalet û berpirsiyarî ji bo kesên ku jiyana wan wêran bûye girîng e.
Berê jî hikûmeta Brîtanyayê hovîtiya DAIŞê ya li dijî êzîdiyan şermezar kiribû, lê ew yeka ne gihîştibû wê yekê kubi Jînosaydê bi nav bikin.
Parlemana Almanyayê (Bundestag) di meha Çile ya borî de, tawanên rêxistina terorîst a DAIŞê li dijî êzîdiyan li Êraqê wek jînosaydê nas kir û rêze tedbîrên piştevaniyê ji bo Êzdiyan pêşniyar kir.

Li gorî Ofîsa Rizgarkirina Êzdiyên Revandî ya Hikûmeta Herêma Kurdistanê, dema ku DAIŞê êrişî navenda wan li parêzgeha Nînewa kir, zêdetirî 6 hezar êzdî dîl hatin girtin û heta niha zêdetir ji 2,000 kes jî winda ne.
Li gorî ofîsê, zêdetirî 120,000 êzîdî ji Êraqê reviyane ji dema ku DAIŞê dest bi êrîşa xwe kiriye, û bi deh hezaran kesên ku li deverê mane di kampan de dijîn

PUKMEDIA/ AFP