Serok BafIl: Divê jiyana gel bi nakokiyên siyasî ve neyê girêdan

Ofîsa Serokê YNKê

Serokê YNKê û Baliyozê Yekîtiya Ewrûpa

Serokê Yekîtiya Niştimanî ya Kurdistanê Bafil Celal Talebanî, îro Çarşemê, li avahiya Mekteba Siyasî  li Hewlêrê, pêşwaziya Balyozê Yekîtiya Ewropayê li Iraqê Vill Varjula ku bi helkefta bidawîhatina erkên xwe serdana Herêma Kurdistanê kiribû kir. 
Di hevdîtinê de Serok Bafil Celal Talebanî pesna palpiştiya Vill Varjula û Yekîtiya Ewropayê ji bo herêmê û Iraqê di warên siyasî, aborî, ewlekarî û mirovî de kir, ku wan roleke girîng lîstine û bûne sedem ji bo bidestxistina aramiyê û çareserkirina pirsgirêkan û hêviya serkeftinê di erkên wî yên pêşerojê de jê re xwestin.
Di civînê de rewşa siyasiya Herêma Kurdistanê û Iraqê, hewlên ji bo çareserkirina pirsgirêkan û cîbicîkirina yasaya bûdceyê hate gotûbêjkirin û tekez li ser vegerandina bo  destûrê jî kirin ku bingeha çareserkirina pirsgirêkan e. 
Serok Bafil Celal Talebanî di derbarê hewlên Yekîtiya Niştimanî ya Kurdistanê ji bo serxistina proseya çaksaziyê û cîbicîkirina bernameyên xizmetguzariyê got: “Pêwîste jiyana welatiyan bi nakokiyên siyasî ve neyê girêdan û pabendbûna bi dabînkirina mûçeyên darayî yek ji erkên me ye, ji ber ku em dixwazin herêma me di hemû waran de ber bi avadankirin û aramiyê ve gavê biavêje û di vî warî de emê berdewam bin.
PUKMEDIA