Qubad Talebanî bi Cîgirê Yekem ê Serokê Encumena Urdinê re civiya

Nivîsgeha rojnamevanî yê Qubad Talebanî

Qubad û cîgirê yekem yê serokê encumena nûnerên Urdinê

Cîgirê Serokwezîr Qubad Talebanî pêşwaziya Ehmed Xelayla cîgirê yekem yê serokê encumena nûnerên Urdinê û şanda yawerî kir. Di hevdîtinê de pêşhatên dawî yên siyasî û rewşa ewlekarî ya deverê û çawaniya bihêztir kirina peywendiyên di navbera her du aliyan hate gotûbêj kirin.

Di civînê de ku roja pêncşemê 03.07.2023 li bajarê Hewlêrê bi amadebûna Daban Şedala Cîgirê serokê Fermangeha Peywendiyên Derve hat lidarxistin, Qubad Talebanî behsa peywendiyên dûr û dirêj di navbera Herêma Kurdistanê û Urdinê kir û ragihand ku Hikûmet Herêmê pêşwazî li xurtkirina pêwendiyan dike bi taybetî Wî tekezî li ser hemahengiya zêdetir di şerê li dijî terorê de kir.
Di beşeke din ya vê hevdîtinê de hate gotin ku pêwîste peywendiyên dostane û bihêz yên ku ji aliyê Serok Mam Celal û Şah Ebdullahê Duyem ve hatine avakirin berdewam bin. Got jî, pêwîste peywendiyên di warê geştyarî, çandinî, perwerde û tendirustiyê de zêdetir bên pêşxistin.

Şanda mêhvan amadebûna xwe ji bo hevkarîkirina Herêma Kurdistanê nîşan da û silavên Şah Ebdullahê Duyem gihandin Cîgirê Serokwezîr û bi fermî vexwend serdana Urdinê.


PUKMEDIA