Şandeke YNK’ê beşdarî salvegera qirkirina Êzidiyan a Şengalê dibe

PUKMEDIA

Beşdariya şanda YNKê di nehemîn salvegera jenosîda Êzdiyan de

Şandeke Yekîtiya Niştimanî ya Kurdistanê (YNK) li navçeyên Sinunê  û Xana Sorê yên navçeya Şengalê beşdarî merasîma nehemîn salvegera qirkirina Êzidiyan bû.
Roja 03.08.2023ê şandeke YNKê ji berpirsê Malbenda heftem a rêxistina Nînowa Aras Mihemed Axa, endamê encûmena serkirdayetî û berpirsê navenda rêxistina Şingalê Dawd Şêx Cundî û berpirsê baregeha rêxistina Şingalê Elî Omer Gabo,cîgirê parêzgarê Nînowayê Elî Mîr Gebo  û hevalên rêxistinên her du Malbendên  Sunune û Xana Sor ên navçeya Şengalê  pêk dihatin beşdarî merasîma salvegera nehemîn a qirkirina Êzdiyan  bûn.
Di merasîmê de ku, berpirsên hikûmet û partiyan û kesayetiyên Êzdiyan amede bûn, şanda YNKê peyama serokatiya YNKê pêşkêş kir û got;“9 sal li ser karesata Şengal û derdora wê re derbas bûn, xwişk û birayên me yên Êzidî hîn di kampan de  di rewşeke xirab de ne û ti hewldanek ji bo avakirina herêmên xwe nehatiye kirin.’’
Di peyama şanda YNKê de wiha tê gotin:  “Em dagirkirina Şengalê û qirkirina xwişk û birayên xwe yên Êzidî ku di wijdanê me yê mirovatiyê de birîneke kûr e, bi xemgînî bi bîr tînin.’’
Di peyamê de wiha tê gotin: “Îro nehemîn salvegera karesata ku hat serê gelê Şengalê û derdora wê derbas dibe, xwişk û birayên me yên Êzidî hê jî li kampan û ji warê bav û kalên xwe dûr dijîn. "Heta niha çarenivîsa bi sedan keç û jinên êzîdî yên di destê terorîstên DAIŞê de ne diyar e, lewma em daxwaz ji hikûmeta Herêma Kurdistanê û hikûmeta Iraqê dikin ku hewlên zêdetir ji bo rizgarkirina wan û avadankirina navçeya Şingalê û gundên derdora wê bidin."
Di peyamê de hat gotin, "Em  bang li hemû aliyan dikin  ku ji bo komkujî û karesata Şengalê di civaka navneteweyî de weke jenosîd bê naskirin, bi hev re gavên cidî bavêjin."
Di dawiya  peyama şanda YNKê wiha ye:“YNK her dem xema Êzidiyan e û her dem amadeye xizmet û piştgiriyan wan bike bi her awayî.’’
PUKMEDIA