Mihemed Sabir: Serok Mam ji bo pêkvejiyana hevbeş di navbera pêkhateyan de têkoşiya

Dezgeha serok Mam

Mihemed Sabir û Nûrî Malkî

Îro Duşemê 07.08.2023ê li paytext Bexdayê D.Mihemed Sabir Serokê Dezgeha serok Celal Talebanî û şandeke pê re serdana Serokê Hevpeymaniya Dewleta Yasa Nûrî Kamil Malikî kirin.

Di hevdîtinê de Dr. Mihemed Sabir tekezî li ser giringiya rola Dezgeha serok Celal Talebanî weke saziyeke çandî, zanistî û mîratî li ser asta Kurdistan û Êraqê kir û ev yek temamkerê bername û nêzîkatiya Serok Celal Talebanî ye, ku di têkoşîna xwe yê 60 saliyê de hewla avakirina Êraqeke demokratîk a sivîl, û ji bo xurtkirina jiyana hevbeş di navbera netew, ol, mezheb û şaristaniyên cuda de gelek xebat kir.
Serokê Dezgeha Serok Celal Talebanî daxwaza bihêzkirina hemahengî, hevkarî û karê hevbeş li ser asta civakî li Êraqê kir û amaje bi wê yekê jî kir, ku sazî dê şeşemîn salvegera koça dawî ya Serok Mam Celal li bajarên Silêmanî, Bexda û Necefê bibîr bîne. û armanc jî avakirina pirên peywendiyan di navbera hemû pêkhate û aliyên Êraqî de ye, ku tê de çalakiyên zanistî di forumeke niştimanî de li Necefê bên birêxistin, ji bo gihandina ramana ronak a Serok Mam Celal, ku bi ruhekî niştimanperwerî ji bo nêzîkbûna siyasî kar kir.

Ji aliyê xwe ve, Serokê Îtîlafa Dewleta Yasa Nûrî Malikî spasî û pêzanînên xwe pêşkêşî Mihemed Sabir Serokê Dezgeha serok Celal Talebanî û şanda pê re kir ji bo serdanê û soza piştevanî û hemahengiyê ji bo li ser asta Êraqê erkên Serokê saziya Celal Talebanî pêk bîne.

PUKMEDIA