Wezîrê Karûbarên Civakî: Ti giliyên me ji Şêrwan Şêrwanî nînin

PUKMEDIA

Şêrwan Şêrwanî

Wezîrê Karûbarên Civakî yê Hikûmeta Herêma Kurdistanê derbarê sizakirina Şêrwan Şêrwanî de nameyek ji Serokatiya Encumena Dadwerî re şand, ku têde hatiye nivîsandin ku ew maddeya li ser wî hatiye cezakirin bi doza wî re nagunce.
Wezareta Karûbarên Civakî di nameyeke jimare 1049_23 ya roja 23-7-2023`an bo Serokatiya Encûmena Dadwerî li Herêma Kurdistanê û bi îmzeya Kowestan Mihemed Ebdullah wezîrê wezaretê de, ragihandiye: “Wezareta me ti îdiayek li ser Şêrwan Şêrwanî nîne û haya wê ji rûniştina dadgehê nîne, ku tê de bi 4 sal cezayê girtîgehê lê hatiye birîn, lê belê ji bilî îmza û şopa tiliyan ti hevalên wî yên girtî gilî li ser wî nekirine.’’
Di nameyê de hatiye gotin, "Em di wê baweriyê de ne ku ew madeya ku Şîrwan Şîrwanî li ser hatiye cezakirin bi dosyaya wî re nagunce, lewma em daxwaz dikin ku di dema îtîrazê de nameya me di dosyaya wî de were bicihkirin û ravekirina me were berçavgirtin."
PUKMEDIA