Nabe Bexda bi ti behanekê mûçeyên karmendên Herêma Kurdistanê neşîne

Tayîbetî

Serdana Hakim Qadir bo Sendîkaya Teknîsyenên Endezyariya Şaxa Silêmaniyê

Endamekî Encumena Bilind a Siyasî û Berjewendî ya Hikûmeta YNKê  dibêje, bêyî bicîanîna mafên neteweyî û destûrî yên gelê Kurd, Iraq ti carî aram nabe.
Endamê Encumena Bilind a Siyasî û Berjewendî ya YNKê Hakim Qadir Hemecan  serdana  Sendîkaya Teknîsyenên Endezyariya Şaxa Silêmaniyê kur û rola wan bilind nirxand û got:“Divê kongre û hilbijartinên sendîka û rêxistinan bên kirin da ku her tim xwe nû bikin û xizmeta çînên zêdetir bikin.’’
Di vê serdanê de Hakim Qadir behsa peywendiyên navbera Herêma Kurdistanê û Bexdayê kir.“Nabe mûçe û debara hemwelatiyên Herêma Kurdistanê bibe qurbaniyê nakokiyên siyasî û nabe Bexda bi ti behanekê ew pere ji karmend û mûçeyan re neşîne, bi taybetî herêm nema dikare bi awayekî serbixwe petrolê bifroşe.’’
Her wiha got: “Pêwîste Herêma Kurdistanê û Bexda pabendî rêkeftinên xwe bin, Iraqeke bihêz tenê dema ku mafên neteweyî û destûrî yên gelê Kurd bi cih bîne, ava dibe, eger nebe Iraq ti carî aram nabe.’’
“Nabe êdî roja hilbijartinên parlementoyê were paşxistin û hilbijartinek nûjen, paqij û dadperwerane li herêmê bê kirin û bi guhdana şîretên hevalbend û dostên me, bi taybetî di rêkxistin û yekxistina hêzên Pêşmerge de.” Niha karekî girîng e ji bo pêkanîna vê pêvajoyê, ji ber ku têkçûn û derengxistin dê ziyaneke mezin bide gelê kurd û pêvajoya siyasî." Hakim Qadir got
PUKMEDIA