Hoşeng Derwîş: Daxuyaniyên PDK ji rastiyê dûrin

PUKMEDIA

Partiya Demokrat a Kurdî ya Sûrî

Endamê mekteba siyasî ya Partiya Demokrata Kurdê Sûrî (Hoşeng Derwîş) bû mêvanê bernama "Rojava" ya radyoya Dengê Gelê Kurdistanê diweşîne. Pêşkêşkarê bernamê rojnamevanê navdarê Kurd da nasandin ku rêzdar (Hoşeng Derwîş) ev demek dirêje li Herêma Silêmaniyê ye û gelek caran çavê xwe bi rewanşad (Mam Celal) keftiye û danûstandin li gel kiriye.

Di derbarê damezrandina Yekîtiya Nîştimanî ya Kurdistanê YNK`ê li Şamê paytexta Sûriyê, Hoşeng Derwîş got, Yekîtiya Nîştimanî ya Kurdistanê giringiyeke dîrokî û netewî bû li ser gelek astan pêwîstbû ku bihata damezrandinê ne tenê ji bo başûrê Kurdistanê belku ji bo her çar parçeyên Kurdistanê. Her weha diyar kir ku, YNK`ê gelek guhertin di nexşeya siyasî ya Kurdistanê de kir bi taybet di bin serokatiya rewanşad Mam Celal û hevalên din yên damezrêner û serkirdeyên destpêkê yên şoreşa nû wek şehîd (Elî Eskerî û Dr. Xalîd û Hisên Baba Şêx) û hevalên dinê yên ku di karesata Hekarî de şehîd bibûn.
Hozan Efrînî, derbarê ew gotinên çewt ku ji aliyê hin kes û aliyan tên kirin ku rastiya karesata Hekarî vedişêrin pirs kir, nûnerê MSD`ê li Herêma Kurdistanê (Hoşeng Derwîş) di wê derbarê de got; di wê karesatê de xelkê me yê Rojavayê Kurdistanê jî têde şehîd ketin ku li ser şopa rêbaza YNK`ê û Mam Celal bûn ku beşdarî di şoreşa nû de dikirin, her weha bi saya xebat û tekoşîna Serok Mam Celal û hevalên şehîdên destpêkê îro ev destkeftiyên mezin hatine afirandin. Diyar jî kir ku ew şoreş ne tenê siyasî bû belkû şoreşeke dîplomasî û ragihandinî û wêjeyî û çandî û ya jinê û li ser gelek astan bû. Her weha ew kesên li ser karesata Hekarî dixavin dixwazin dîrokê çewt bikin û ji rastiyan dûrxînin û kiryarên xwe yên qirêj pê veşêrin. Hoşeng Derwîş got, "Ma ne ew kes bûn di sala 1996`an di 31`ê tebaxê de ala Êraqê û ala Partiya Baasê li ser perlemana Kurdistanê bilind kirin û tankên Sedam Husên derbasî Kurdistanê kirin.

Hoşeng Derwîş dibêje ku di bîra wî de ye, rojnamevanekî biyanî ji serokê Partiya Demokrata Kurdistanê PDK`ê dipirse û dibêje hûn şerê YNK`ê dikin niha gelo kî dijminê te ye (Sedam Husên)e? Mesûd Barzanî bi rengekî zelal bersiva rojnamevanê biyanî dide û dibêje dijminê min (Celal Talebanî) ye.
Derwîş, amaje bi wê yekê jî kir di demekê de ku xelkê Herêma Kurdistanê di rewşek xirap re derbas dibe û hilbijartin nêzîk bûne û Kak (Bafil Celal Talebanî) Serokê Yekîtiya Nîştimanî ya Kurdistanê berê xwe daye Bexdayê daku rewşa Herêmê baş bike helwên mezin dide ku peywendiyên Bexda û Herêmê baş bike PDK`ê tê û bombeya xwe biteqîne ev daxuyaniyên weha tên dayîn daku hewlên tên dayîn beravêtî bikin.


PUKMEDIA / DGK