Banka Navendî daxwaz dike rê li ber qaçaxçîtiya dolar bê girtin

PUKMEDIA

Deriya Ibrahîm Xelîl

Banka Navendî ya Êraqê hişyarî da Hikûmeta Herêma Kurdistanê li ser çûna dolarên qaçax ji Îbrahîm Xelîl bo Tirkiyê.

Derbarê vê mijarê de parlamenterê parlamentoya Êraqê Dr.Biryar Reşîd ji PUKMEDIA re ragihand: Lijneya Aborî, Pîşesazî û Bazirganî ya Parlamentoya Êraqê li gel Serokê Banka Navendî civiya û got ku rojane hejmareke mezin dolar ji xalên sînorî yên Herêma Kurdistanê dibirin Tirkiyê û ji wir jî bo welatên din tên şandin ev jî  sedema sereke ya neliheviya dolarê li Êraqê ye."

Parêzgerê Banka Navendî ji me re got, me peywendî bi Hikûmeta Herêma Kurdistanê re kiriye û ji wan re gotiye, bila qaçaxiya dolaran ji xala gumrika Îbrahîm Xelîl ber bi Tirkiyê ve rawestînin û alîkariya banka navendî bikin da ku nirxa dolar cîgir be.
Malpera Brîtanî (Middle East Eye) di sibata borî de di raportekê de eşkere kir ku rojane 70 milyon dolarên Amerîkî bi qaçaxî di deriyê sînorî yê Îbrahîm El-Xelîl re derbas dibin, ku mehane dibe 2 milyar û 200 milyon dolar, û di heyama salekê de rêjeya dolarê qaçax digihêje 25 milyar û 200 milyon dolarî.
Deriyê Îbrahîm El-Xelîl li ser sînorê Herêma Kurdistanê û Tirkiyê ye û girêdayî rêveberiya Zaxo ye, herwiha çend deriyên sînorî yên fermî û nefermî li parêzgehên Hewlêr û Duhokê hene.

PUKMEDIA