Serokkomar daxwaza Helebce bibe Parezgeh dike

PUKMEDIA

Helebce

Serokomarê Iraqê Dr.Letîf Reşîd nameyek ji serokê parlamentoya Iraqê re şand û daxwaz kir ku proje yasaya Helebce ku bibe parêzgeha bikeve rojevê.
Di nameyê de hatiye gotin: "Helebce sembole ku zordariya rêjîma berê lê hatiye  kirin û xelkê wê rastî komkujiyên li pey hev hatine, ku karwanek şehîdan ji bo wê yekê daye, lewra divê ji bo rêzgirtina ji qurbanîdana niştecihên wê bibe parêzgeh."
Parlamenterê Fraksiyona Yekîtiya Niştimanî ya Kurdistanê (YNK) li Parlamentoya Iraqê Çiro  Hema Şerîf ji beşa Helebce  ji PUKMEDIA re ragihand, Fraksiyona YNKê çendîn name ji serokatiya Parlamentoya Iraqê re şandine daku xwendina sêyem bike, ji bo Helebce bibe Parezgeh ."Me çendîn caran daxwaz ji parlamentoya Iraqê kiriye Helebce bibe parêzgeha ev mesela jî dawî bibe."
Her wiha got:“Tevî ku sînorên erdnîgariya parêzgehê ji aliyê Wezareta Plandanan a Iraqê ve hatiye diyarkirin, lê bi mebesta berfirehkirina sînorên parêzgehê, serokê parlamentoyê ji Encûmena Wezîranê Herem re nivîs şandiye ji ber vê pejirandina Yasayê paşvaketiye.’’
Herî dawî Meclîsa Nûneran xwendina yekem û duyemîn a pêşnûmeyê qebûl kir .Fraksiyona YNKê çendîn caran daxwaz kiriye ku proje yasayê ji bo xwendina sêyem pêşkêşî civata nûneran were kirin û bi vê yekê jî Helebce weke parêzgeha 19 ya Iraqê ji aliyê civata nûneran ve bê pesendkirin.
PUKMEDIA
Wêne...nivîsa daxwaza Serok