Dabînkirina dolar bi rêjeya fermî ji bo karsazên Herêma Kurdistanê

Rûpelê Dr.Narmîn Ma'rûf

Dr.Narmîn Ma'rûf û Rêvebira Banka Navendî

Endama Komîteya Darayî ya Civata Nûneran Dr.Narmîn Ma'rûf li gel Serokê Banka Navendî ya Iraqê civiya û di civînê de behsa dabînkirina nirxa fermî ya dolar ji bo karsazên Herêma Kurdistanê hat kirin.
Dr.Narmîn Ma'rûf endama Komîteya Darayî li  Civata Nûneran li ser firaksiyona YNKê ji malpera fermî ya Yekîtiya Niştimanî ya Kurdistanê (PUKMEDIA) re ragihand: “Hevdîtina me li gel serokê Banka Navendî ya Iraqê di çarçoveya lêkolînên wan ên derbarê mafên welatiyên Herêma Kurdistanê de bû û me gotûbêj li ser çend mijaran kir, ji wan pirsgirêka xwediyên 25 dînarên ku heta niha nehatine qerebûkirin ev nêzî 30 sal in."
"Me li ser dabînkirina dolar bi rêjeya fermî ji bo karsazên biçûk û navîn li herêmê, bo vekirina şaxê banka navendî ya Silêmaniyê û vekirina şaxên bankên Reşîd û Rafîdeyn li herêmê gotûbêj kir." Dr.Narmîn Ma'rûf dibêje.
Her wiha got: “Rêveberê banka navendî soz daye ku dê di demek nêzîk de bi cidî li ser wan pirsgirêkan bixebite û bi cih bîne.’’
PUKMEDIA