Konsulê giştî Brîtanyayê serdana ofîsa Qubad Talebanî kir

PUKMEDIA

Konsulê giştî Brîtanyayê û Qubad Talebanî

Konsula giştî ya Brîtanya li Herêma Kurdistanê Rosie Cave ligel Aştî Ebdulla rawêjkarê taybet yê cîgirê serokwezîran di civînê de behsa hemahengî û karkirina zêdetir ji bo dabînkirina derfetên wekhev di hemû waran de hate kirin, herwiha pêşhatên dawî û pirsa zêdekirina tundûtûjiya di nava malbatên  Herêma Kurdistanê de hate gotûbêjkirin.

Civîna îro 17.08.2023ê li ofîsa Cîgirê Serokwezîr Qubad Talebanî li bajarê Silêmaniyê hat lidarxistin û di civînê de rewşa jinan li Herêma Kurdistanê û pirsa zêdebûna tundûtûjiyên di nava malbatê de û sedem û çareserî hatin pêşkêşkirin.

Paşê Aştî Ebdullah pilana ofîsa Cîgirê Serokwezîr xist rû bi hevkarî û hemahengiya aliyên peywendîdar ji bo zêdetir hişyarî û nehiştina her cure tundûtûjiyê, her wiha ji Xanim Rosie Cave xwest ku alîkariya wan bidomîne da ku bi hev re dawî li binpêkirinan bînin.
Konsulê Brîtanyayê hewildanên ofîsa Qubad Talebanî ku berdewam in li ser hewlên xwe bo çareserkirin û jinavbirina vê diyardeyê bilind nirxand û amadeyiya xwe û welatê xwe ji bo hemahengiya zêdetir di vê derbarê de nîşan da.

PUKMEDIA