Serok Bafil: Niyaz Dargalayî têkoşer û durust bû

PUKMEDIA

Serok Bafil

Serokê Yekîtiya Niştimani ya Kurdistanê (YNK) nameyek sersaxiyê ji malbata fermandarê dêrîn yê Pêşmerge û endamê berê yê encumena navendî Niyaz Dergelayî re şand û got:“Şehîdbûna rêheval Niyaz Dargalayî ya di bûyereke bi guman de cihê dilgiraniyê ye û hemû hêzên asayîşê re hatiye erkdarkirin ku di zûtirîn demê de kiryaran eşkere bikin û radestî dadgehê bikin.’’
Nivîsa nameya sersaxiyê
Em ji ber şehadeta fermandarê pêşmerge yê dêrîn û endamê berê yê encûmena navendî rêheval Niyaz Dargalayî gelekî xemgîn  in.
Ji ber vê xemgîniya giran ji malbatê re sersaxiyê dixwazim.Ez bi wan serbilind im ku ji bo Kurdistanê bûne mînakek mezin.
Birêz Niaz ji malbateke navdar û têkoşer a herêma Balakayetiyê bû , erk û berpirsiyariyên xwe  bi şêweyê herî rast bi cih dihanî. Şehadeta wî di bûyereke gumanbar de cihê dilgiraniya me ye û hemû hêzên ewlehiyê hatine erkdarkirin ku di zûtirîn dem de berpirsan eşkere bikin û radestî dadgehê bikin.
Ez ji Xwedayê Mezin  daxwaz dikim ku miri di cinetê de şa bike û sebirê bide hamûyan.
Bafil Celal Talebanî
Serokê Yekîtiya Niştimani ya Kurdistanê
PUKMEDIA