Michael Rubin bi tundî rexne li Mesrûr Barzanî girt

PUKMEDIA

Michael Rubin

Şîrovekarê Amerîkî Michael Rubin bi gotarek tund rexne li Serokê Hikûmeta Herêma Kurdistanê Mesrûr Barzanî girt.

Michael Rubin di gotara xwe ya bi sernavê "Rojên Barzanî wek rêberê kurd hesband’ ye" û ji aliyê malpera amerîkî (19FortyFive) ve hatiye weşandin de got, divê Mesrûr Barzanî bi rastî nerihet be ji ber ku Kurdistana Êraqê ne ewle ye û ne arame wek ku serokwezîr bîr lê dike.
Rubin da zanîn ku di van hefteyên dawî de Mesrûr Barzanî bi rêya fîlmekî hewl daye bawername û navûdengê xwe di nav kurdên asayî de bilind bike, lê kurd dipirsin ku ka wî çi bi dest xistiye.
Michael Rubin eşkere dike, ku wî daxwaz ji hejmarek dîplomat, rêveberên civaka sivîl, xwendekar û hinek berpirsên partiya Barzanî kiriye, ku hikma wî binirxînin lê encam ne baş û razî bûn.
Michael Rubin nivîsiye: Mesrûr Barzanî li ser hesaba xwe ya Twitterê dibêje ku ewê Kurdistaneke bihêztir ava bikin Lê diyare ku Mesrûr têkçû.
Rûbîn sedemên vê têkçûnê -wekî ku wî got- bi xalan ve girêdide, ji wan jî: Hewldanên wî ji bo lidarxistina referanduma serxwebûnê bû sedem ku hikûmeta kurdî erdên xwe bo hikûmeta federal ji dest bide, di nav wan de hin zeviyên li bakurê Êraqê. Wî pêşniyara Koçka Spî ya ji bo piştgirîkirina referandumê di berdêla paşxistina du salan de red kir. Heger wî bêhiş nekiriba, wê îro Kurdistana Êraqê serbixwe bûya.
Bi heman awayî, rêvebirina nebaş, çavbirçîtî û binpêkirina wî ew neçar kir ku dosyaya neft û gazê li Kurdistana Êraqê bi tevahî radestî Bexdayê bike.
Michael Rubin di gotara xwe de zêde dike: “Partiya Demokrat a Kurdistanê (PDK) ji sala 2003an ve – an jî belkî berî wê jî – li Bexdayê di rewşa herî lawaz de ye.
Wî bal kişand ser wê yekê ku gendelî li Kurdistanê hertim xirab bûye, lê ew gihîştiye astên nû, li şûna avakirina Dubeyeke nû,  Mesrûr Barzanî niha Îrîtîriyeke nû ava dike. Ciwanên Kurd ku gelek ji wan xwendewar in lê di sîstemeke qirêj de nikarin cîhekî ji bo xebatê peyda bikin, jiyana xwe ji bazirganên mirovan re dixin xeterê û direvin Ewropayê û gelek ji wan di rê de mirin.
Rubin eşkere kir ku eger Mesrûr Barzanî di propagandaya xwe ya taybet de dilpak bû, pêwîst nake ji rojnamevanên herêmê bitirse. Ew ji rastiyê ditirse, ji ber vê yekê wan dixe zindanê.
Amaje bi wê yekê jî kir, ku Pêşmerge di asta herî lawaz de ye, bandora kurdan ji ya berê paşde çûye û Mesrûr Barzanî jî bêdeng dimîne dema ku tirk sivîlan li ser xaka wî dikuje.


PUKMEDIA