Li Silêmanî, Helebce û Hewlêrê daxwaza berdana girtiyan tê kirin

PUKMEDIA

Girtiyên Badînan

Rojnameger û çalakvanên Silêmanî, Helebce û Hewlêrê li dijî sizakirina Şêrwan Şêrwanî û ne berdana Gohdar Zêbarî kom bûn, lê li Duhokê rê li ber rojnamevan û xizmên girtiyan hat girtin ku daxuyaniyên xwe bidin.

Rojnameger û çalakvanên Silêmanî, Helebce û Hewlêrê di daxuyaniyekê de wiha gotin:“Ji destpêka kabîneya nehem ve, tevî sozên çeksazî û berfirehkirina qada azadiya derbirînê, lê mixabin bi awayekî berçav paşve çûye û êdî nayê qebûlkirin.
Nûnerên rojnameger û çalakvanan di civînên xwe yên çapemeniyê de gotin:“Em hêvîdar in ku rayedarên hikûmeta Herêma Kurdistanê çavên xwe vekin û qurbaniyên ku gelê azadîxwaz yê Başûrê Kurdistanê di sed salên borî de ji bo azadî û nan daye bibînin. Dengê bilind yê nûnerên Neteweyên Yekbûyî û welatên cîran û raporên sazî û dezgehên navneteweyî guhdarî bikin ku tenê 40 sal berê hin raporên heman hevalan li ser endamên girtî yên wê partiyê bûn ku niha ji vê rewşê berpirsyar in.
Got jî Sizakirina Şêrwan Şêrwanî û ne berdana Gohdar Zêbarî ya herî dawî ye di zincîreya binpêkirinên li dijî rojnamevan û çalakvanan de, ku destwerdana siyasî bi eşkere di van dozan de diyar dibe.
Di daxuyaniyê de her wiha hat xwastin:“Divê dadgeha îstînafê van binpêkirinan serrast bike, da ku bêbaweriya xelkê li hember dadgehan kûr nebe û îmaja Kurdistanê di nav civaka navdewletî de êdî xirab nebe.


PUKMEDIA