Berdevk li ser têkiliyên Hewlêr û Bexdayê li hev nakin

Kurdistan 07:38 PM - 2023-08-22

Logoya Serokatiya Herêma Kurdistanê û Hikûmeta Herêma Kurdistanê

Bandora her du aliyên cuda yên di nava PDK’ê de ,li berdevkên Serokê Herêma Kurdistanê û Serokwezîrê Herêma Kurdistanê xuya dike, ku yek ji wan geşbîn e li ser pêwendiyên Herêma Kurdistanê û Bexdayê û ya din jî reşbîn û teşwîqkar e li hember Bexdayê  ku bêdeng nemînin, ku ew du alî di nav PDKê de ne û di siyaseta wê ya li ser her pirsekê de jî xuya dibe.

Iraq ji bo lawazkirina Herêma Kurdistanê kar nake

Berdevkê Serokê  Herêma Kurdistanê Dilşad Şahab di kongreyeke rojnamevanî de ragihand.  "Em nabînin ku hikûmeta navendî li dijî herêmê ye û ji bo lawazkirina pozîsyona herêmê dixebite. Eger wisa bibe jî, em ê bi awayekî asayî tevbigerin, ji ber ku siyaset bi xwe nakokî ye û her du alî jî hewl didin xwe xurt bikin.”
Her wiha got:"Serokwezîrê Iraqê nêrîneke baş û cidî li ser rêkeftina Herêma Kurdistanê û Bexdayê heye, mijara sereke bûdce, mûçe û mafên darayî yên herêmê ye, ji ber wê jî hê zû ye ku em bêjin yasaya bûdceyê nehatiye cîbicîkirin yan jî dê astengî li pêşiya cîbicîkirina wê bên danîn.’’

Berdevkê hikûmetê: Iraq bûye metirsî li ser Herêma Kurdistanê

Berdevkê Hikûmeta Herêma Kurdistanê Pêşewa Hewramanî got: “Metirsî li ser Herêma Kurdistanê heye û divê alî li dijî Iraqê bibin yek, ew pereyê ku Bexda ji fermanberên Herêma Kurdistanê re dişîne têra darayiya herêmê nake, têra mûçe nake, tê pêşbînîkirin ku rewş bi vî rengî berdewam nebe û Hikûmeta Herêma Kurdistanê jî dê bêdeng nemîne.’’
Got jî: “Daxwazên Bexdayê weke hincetekê xuya dikin,ne  weke ku hewldanek ji bo lihevkirinekê be û geşbîniya me li hember Bexdayê hebû wisa derneçû.’’
Ev hemû di demekê de ye ku hejmarek wezîr, berpirsên hikûmetê û heta berdevkê hikûmeta Herêma Kurdistanê hişyarî didin rewşê û bi dilgiraniyê li hikûmetê dinêrin lê Berdevkê Serokê  Herêma Kurdistanê  rewş asayî bi nav kir û got: “Di cîbicîkirina yasaya bûdceyê de ji aliyê Bexdayê ve û mafên darayî yên herêmê de ti pirsgirêk nîne.’’
PUKMEDIA