YNKê :600 endam beşdarî kongireyê dibin

PUKMEDIA

Logoya Yekîtiya Niştimanî ya Kurdistanê

Bi çavdêriya Serokê Yekîtiya Niştimanî ya Kurdistanê Bafil  Celal Talebanî, Mekteba Siyasî ya Yekîtiya Niştimanî ya Kurdistanê li bajarê Hewlêrê civînek li dar xist.
Berdevka Karûbarên Kongreya Pêncemîn a Yekîtiya Niştimanî ya Kurdistanê Talar Letîf di daxuyaniyeke taybet de ji malpera fermî ya Yekîtiya Niştimanî ya Kurdistanê PUKMEDIA re ragihand: Di civîna Mekteba Siyasî ya Yekîtiya Niştimanî ya Kurdistanê de li Hewlêrê biryar hat dayîn ku hejmara endamên kongreya pêncemîn a Yekîtiya Niştimani ya Kurdistanê 600 endam be û mekteba siyasî jî ev biryar pesend kir.
Got jî: komîteyên şareza dê mîkanîzma beşdarbûna endamên kongirê di nivîsgeh û dezgehên Yekîtîya Niştimanî de diyar bikin û paşê dê Mekteba Siyasî di heftîya bê de wê yekê pesend bike.
Telar Letîf eşkere kir: Li gor bernameya serastkirî, desthilata pesendkirinê piştî erêkirina Serokê Yekîtiya Niştimanî ya Kurdistanê li gel Mekteba Siyasî ye.
Mekteba siyasî ya Yekîtiya Niştimanî ya Kurdistanê roja 20.08.2023ê li bajarê Kerkûkê bi çavdêriya Serokê Yekîtiya Niştimanî ya Kurdistanê Bafil  Celal Talebanî civiya.
Ji bo vejandina girêdana bi Yekîtiya Niştimanî re, di civînê de biryar hat dayîn ku pêncemîn kongireya Yekîtiya Niştimanî di 27.9.2023 de were lidarxistin.
PUKMEDIA