Talar Letîf: Serkirdatiya YNKê deng li ser proseya kongreyê da

PUKMEDIA

Civîna Serkirdatiya YNKê

Civîna Encûmena Serkirdatiya Yekîtiya Niştimanî ya Kurdistanê li Hewlêrê bi serperiştiya Serokê Yekîtiya Niştimanî ya Kurdistanê Bafil  Celal Talebanî di demek kurt de bidawî hat.
Berdevka Karûbarên Kongreya Pêncemîn a Yekîtiya Niştimanî ya Kurdistanê Telar Letîf di daxuyaniyeke taybet de ji malpera fermî ya Yekîtiya Niştimanî ya Kurdistanê (PUKMEDIA) re ragihand: Di civînê de mekanîzma beşdariya endaman di Kongreya Pêncemîn hat pêşkêşkirin û endamên Encumena Serkirdayetiyê deng dan li ser mekanîzmayên  ku Serokê YNKê bi hûrgilî tekezî li ser mekanîzm û rêkarên kongreyê kiribû û biryar hat  dan ku di demek nêzîk de konferansa ofîs û baregehan dest pê bike."
Wê her wiha got: “Konferansa ofîs û navendên rêxistinan dê di heyamên bê de ji bo diyarkirina endamên kongireya giştî were lidarxistin û karê pêncemîn kongireya  Yekîtiya Niştimani ya Kurdistanê dê du sê rojan bidome û îro hemû endamên Meclisa Serkirdayetiyê di civînê de bi ruhekî berpirsyarî beşdarî nîqaş û diyalogan bûn û nêrînên xwe yên derbarê konferansê de pêşkêş kirin ku  ev yekemîn kongireya YNKê ye ku li gorî dema xwe tê lidarxistin.”
Telar Letîf di daxuyaniyekê de bo malpera fermî ya Yekîtiya Niştimanî ya Kurdistanê (PUKMEDIA) ragihandibû: “Di civîna Mekteba Siyasî ya ku îro yekşemê berî nîvro birêve çû, biryar hat dayîn ku hejmara endamên kongireya pêncem a Yekîtiya Niştimanî ya Kurdistanê ji 600 endaman pêk tê û Mekteba Siyasî jî ev biryar pesend kir."
PUKMEDIA