Peyama girîng ji Serok Bafil li ser Kongreya Pêncema YNKê

Kurdistan 11:15 AM - 2023-09-01

Peyama Serok Bafil

Serokê Yekîtiya Niştimanî ya Kurdistanê (YNK) Bafil Celal Talebanî derbarê pêncemîn kongreya YNKê de peyamek girîng belav kir û got: ‘’YNK dê bi nêrîn û stratejiyeke bihêz siyaseta xwe li navenda federaliyê bimeşîne, siyaseta ku Serok Mam Celal beriya me şopandibû, ew jî aştî, pêkve jiyan û şirîkatiya rasteqîne.’’
Nivîsa peyamê.

Rêhevalên min ên serbilind

Eger Yekîtiya Niştimanî ya Kurdistanê (YNK) di dema berê di şoreşa çekdarî de zêdetir ji 26 hezar şehîd daye  bo axa  Kurdistanê têkoşiyaye, îro jî bi pêwîstiyên xelkê û têgihîştina rewşê,em di wê baweriyê de ne ku rêya herî baş a têkoşînê xebata  siyasî ye ji bo parastina destkeftiyan, pêşkêşkirina xizmetguzariyan û avakirina pêşerojeke geş û aramtir.
YNK dê bi nêrîn û stratejiyeke bihêz siyaseta xwe li navenda federaliyê bimeşîne, siyaseta ku Serok Mam Celal beriya me şopand, ew jî aştî, pêkve jiyan û şirîkatiya rasteqîne, em dizanin ku kûrahiya sitratejîk a Kurd li Bexdayê ye, lewra em dixwazin hewl bidin ku pêgeha herêmê bihêztir bikin, mafên destûrî bi dest bixin û jiyaneke bi rûmet ji gelê me yê ezîz re dabîn bikin.
Her wiha tekezî li ser berdewamiya siyaseta niştimanî ya bê guhertin a YNKê li ser pirsên netewî û piştgiriya  mafên gelê Kurd li her cihekî cîhanê dikim.

Xwişk û birayên min

Em  bi hev re ber bi qonaxeke nû ya têkoşîna xwe ya rêxistinî ve dimeşin û ji bo xurtkirina yekîtiya xwe kongreya pêncemîn li dar dixin, ez bawer im bi piştgiriya  Xwedê û dilsoziya we em ê bi ser bikevin û mizgîniya yekîtiyeke xurtir bidin gelê kurd. Dixwazim ji we û hemû gelê Kurdistanê re eşkere bikim ku baweriya me bi nûjenî û nûbûnê heye, emê li gorî guhertinan bimeşin û xwe nû bikin, ev rastiyeke dîrokî ye û her dem xwîna nû di damarê YNKê de diherike. 

Hezkiriyan

Dîrokê îspat kiriye ku YNK qada şerê Kurdayetiyê yê bi hêz û keleha berxwedanê ya bilind e, dîroka têkoşîna me ewqas zêrîn e ku em ji xwe tu hêzekî Kurdistanê dilsoztir nabînin. Îro hêz û bandora YNKê li herêmê û navenda federalî ji her kesî re eşkere ye û peywendiyên me yên navdewletî di asteke bilind de ne û diyar e ku bihêzbûna YNKê tê wateya bihêzbûna Herem û Iraqê ye. Ji ber vê yekê divê di bîra her rêhevaleki  de be  ku Yekîtîbûn berpirsyariyartiyekî  dîrokî, netewî û exlaqî ye. Divê her hewl û pêngavek li gor siyaseta netewî ya YNKê be û armanca me xizmeta Kurd û Kurdistanê be.
Qewmên serbilindê  Şehîdan, Pêşmergeyê kevin, Zîndaniyanê siyasî û kemendamanê  senger.We gelek tişt daye Kurdistanê û YNKê, em dizanin ku wefadarî û berxwedana we bû ku YNKê gihande vê partiyê mezin û bibandor li Kurdistan û Heremê . Ez we dilniya dikim û soz didim we ku YNK dê bibe heman YNK ku we ji bo wê qurbanî daye û dê dilsozê xebat û berxwedana we be. Piştrast bin ku YNK emaneta Serok Mam Celal û ya we ye  û emê jî wek ruhê xwe biparêzin.

Rêhevalno

Yên ku YNKê di dilê xwe de hildigirin û li hêviya pêşerojeke geştir in, bi yek ruhî û yek armancî ber bi kongreya pêncem ve, ber bi YNKê yeki bihêztir û nûjen ve emê biçin û dîrokek geş û serbilind ji bo Partiya Şehîdan binivîsin. 
Şad û Serfiraz bin
Birayê we yê dilsoz
Bafil Celal Talabanî
Serokê Yekîtiya Niştimanî ya Kurdistanê
PUKMEDIA