Serokkomar derbarê aloziyên Kerkûkê de daxuyaniyek belav kir

Ragihandina Serokkomar

Serokkomar

Rêzdar Serokkomarê Iraq  Dr.Ebdul Letîf Reşîd derbarê aloziyên Kerkûkê de daxuyaniyek belav kir û wiha got:Em bi nîgeraniyeke mezin geşedanên rewşa parêzgeha Kerkûkê dişopînin.
Em her dem tekez dikin ku rijd in ji bo pêkanîna aşitiyê li welat, em bang li hemû aliyên beşdar di geşedanên nebaş ên li Kerkûkê de dikin ku xwe ji her gef û bikaranîna hêzê dûr bigrin û bang li her kesî dikin ku li pêşiya berjewendiyên xwe , aramiya welat û gel  li ser her berjewendiyekî din de bigirin .
Em tekezî li ser wê yekê dikin ku pêdagiriya li ser diyaloga çêker weke navgîneke pêwîst ji bo nehiştina aloziya heyî ji bo parastina destkeftên gelê Iraqê di hemû beşên wê de, û nehêlana rê û derfetekê ji bo komên terorîst ên ku armanca wan jihevxistina kartan e , aramiyê têk bibe û xwîna Iraqiyan birijîne.
Kerkûk sembola biratiya Iraqê û hemû pêkhateyan e û em rê nadin ku wêneya wê were xirabkirin.
Ez bang li hikûmeta federal û hêzên ewlehiyê dikim ku bi awayekî cidî destwerdanê bikin ji bo kontrolkirina rewşa bajêr, kontrolkirina ewlehî û serweriya qanûnê ku  tê de, bi awayekî ku aştiyeke dadperwer were parastin.
Em bang li hemû aliyên siyasî , civakî û gel jî dikin ku ji bo parastina aramiya parêzgeha Kerkûkê û ewlekariya welatiyan, rola xwe di nehiştina nakokiyan de bileyîzin.
Xweda hemû xelkê Kerkûkê biparêze li bajarekî ewle û aram ku biratî û pêkve jiyana hevbeş îfade dike.
PUKMEDIA