Serok Bafil: Em qebûl nakin xwîna ciwanên me li Kerkûkê bê rijandin

PUKMEDIA

Serok Bafil

Serokê Yekîtiya Niştimanî ya Kurdistanê (YNK) Bafil Celal Talebanî dilgiraniya xwe ji aloziyên li Kerkûkê nîşan da ku di encamê de şehîd û birîndar hene û got.“Em hemû hewldanên têkbirina biratî û jiyana hevbeş li Kerkûkê bi tundî şermezar dikin û dibêjin: Kerkukiyên serbilind, hûn hêjayî rêzgirtineke bêsînor û xizmeteke girîng in, ne ku ji bo çareserkirina pirsgirêkên siyasî werin bikaranîn.’’
Teksta peyama Serok Bafil ;
Em ji ber bûyerên nexwestî yên li Kerkûkê û şehîdbûna xortekî kurd û birîndarkirina gelek kesên din dilgiran in.
Em hemû hewldan û armancên wêranker ên ji bo têkbirina biratî û jiyana hevbeş li Kerkûkê bi tundî şermezar dikin, lê divê di zûtirîn dem de berpirsên ji şehîd û birîndarkirina kurên me bên girtin û radestî dadgehê bên kirin.
Gelî Kerkûkiyên serbilind, hûn hêjayî rêzdariya bêsînor û xizmeteke girîng in, ne ku ji bo çareserkirina pirsgirêkên siyasî bibin qurbaniyên destkeftiyên taybet. Em bi tundî li dijî vê siyaseta xerab û neheq in û qebûl nakin ku xwîna ciwanên me li ser navê hestê netewî bê rijandin û bi qeder û canê wan were lîstin.
Ez bang li hemû aliyên pêwendîdar bi taybet hikûmeta Iraqê dikim ku demildest rê li rijandina xwînê bigrin û dawî li rewşa heyî bînin. Herwiha em daxwaza bilezkirina asayîkirina rewşa Kerkûkê dikin û em hişyariyê didin ku berdewamiya rewşê bi vî awayî nayê qebûlkirin, lewra em bang li hemû aliyan dikin ku bi berpirsyariya herî mezin bi rewşê re rûbirû bin û  rê li ber fitne û parçebûnê bigirin.Pêwîste her kes hevkarî û hemahengî ji bo bidawîkirina vê rewşê û parastina aştî û biratiyê di navbera hemû netewe û pêkhateyan de li Kerkûkê bike.
Bila ruhê şehîd Hawkar rihet be û ji malbata wî ya serbilind re sersaxiyê dixwazim. Ez ji Xwedayê Mezin sebrê ji bo hemû aliyekî  dixwazim  û bo birîndaran şîfayê.
Bafil  Celal Talabanî
Serokê Yekîtiya Niştimanî ya Kurdistanê
PUKMEDIA